Foto: Ashyq derekkóz
Baǵdarlamaǵa qatysý úshin:
- Qaryz alýshynyń jáne onyń otbasy músheleriniń (jubaıy, 18 jasqa deıingi balalary) sońǵy 5 jyl ishinde jeke turǵyn úıi bolmaýy tıis;
- «Otbasy bankte» keminde 2 mln teńge jınaqtalǵan depozıt bolýy qajet. Depozıttiń ashylǵan merzimi esepke alynbaıdy.
Mólsherleme:
- 7% – áleýmettik osal toptarǵa;
- 9% – ózge sanattaǵy azamattarǵa.
Bastapqy jarna:
- 10% – árleýi daıyn páterge;
- 20% – qara sylaqtaǵy nemese qaıtalama naryqtaǵy turǵyn úıge.
Qaryz somasynyń shegi:
- Almaty men Astana qalalarynda – 36 mln teńgege deıin;
- О́ńirlerde – 30 mln teńgege deıin.
Nesıe merzimi – 19 jylǵa deıin.
О́tinim berý úshin:
-
«Otbasy banktiń» saıtyna kirip, Baspana Market bólimi arqyly avtorızasııadan ótý kerek (kompıýter nemese noýtbýk arqyly).
-
«Meniń ótinimderim» bóliminen «Naýryz» baǵdarlamasyn tańdap, «О́tinim berý» batyrmasyn basý qajet.
-
Satyp alý jáne turý óńirin kórsetý, sharttarmen kelisý.
-
Depozıtti tańdap, kelisimdi rastaý jáne SMS-kod engizý.
-
Jeke derekterdi tekserip, rastaý.
Bank turǵyn úıdiń bar-joǵyn jáne jyljymaıtyn múlik mártebesin 3 jumys kúni ishinde tekseredi. Tekserýden keıin ótinim elektrondy sıfrlyq qoltańba arqyly rastalady.
Aıta keteıik, ótinimder tek jumys kúnderi saǵat 9:00-21:00 aralyǵynda qabyldanady.
Jeńildetilgen ıpotekalarǵa ótinim qabyldaý qashan bastalady?
Aldyńǵy baǵdarlamalardyń tájirıbesi kórsetkendeı, «Naýryzda» depozıttegi jınaq kólemi sheshýshi ról atqarady. Bank salymǵa syıaqy esepteıdi. Syıaqy kólemi neǵurlym joǵary bolsa, soǵurlym upaı kóp jınalyp, nesıege ótinish berý kezeńine ótý múmkindigi artady.
Ipoteka eki kezeńnen turady:
- 1-kezeń – aldyn ala qaryz (8 jyl). Bul ýaqytta tólem joǵary bolady: onyń bir bóligi paıyzdy óteýge, ekinshi bóligi depozıttegi jınaqty arttyrýǵa baǵyttalady.
- 2-kezeń – turǵyn úı qaryzy (11 jyl). Depozıtte baspana qunynyń 50%-y jınalǵan soń mólsherleme tómendep, aı saıynǵy tólem azaıady.
«Otbasy bank» ıpotekany zeınetaqy qarajatymen óteýge ótinim qabyldaýdy qaıta bastady
