Foto: Ashyq derekkóz
Qaıǵyly oqıǵa 14 aqpanda bolǵan. Otbasynyń advokaty Asylbek Ábdiraıymov áleýmettik jelidegi paraqshasynda janjalǵa jylqy saýdasyna qatysty jaǵdaı sebep bolýy múmkin ekenin jazdy.
«Aldyn ala málimet boıynsha, áıel kúıeýiniń ruqsatynsyz onyń jylqylaryn satyp jibergen. Osyǵan baılanysty er adam polısııaǵa aryz túsirgen. Budan keıin, boljam boıynsha, áıel anacymen birge uıyqtap jatqan kúıeýine shabýyl jasap, oǵan 30-dan astam pyshaq jaraqatyn salǵan», dep habarlady advokat.
Atalǵan derek boıynsha qylmystyq is qozǵaldy.
Oqıǵaǵa qatysty túsinikteme bergen Almaty oblysy polısııa departamenti kúdiktilerdiń ustalyp, ýaqytsha ustaý ızolıatoryna qamalǵanyn málimdedi.
«Otbasylyq-turmystyq janjal negizinde adamdar toby jasaǵan adam óltirý faktisi boıynsha qylmystyq is qozǵaldy. Kúdiktiler ustalyp, ýaqytsha ustaý ızolıatoryna qamaldy», delingen habarlamada.
Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan tergeý áreketteri júrgizilip jatyr.
Shymkentte taǵy bir áıeldi pyshaqtap ketti: Polısııa qarý qoldanýǵa májbúr boldy
