Foto: Depositphotos.com
Mınıstrdiń aıtýynsha, sheshim qabyldaýda jobalyq menedjment tásili qoldanylady. Belgili bir máseleler boıynsha qaraý merzimi 2-10 kún bolyp belgilengen. Eger osy ýaqyt ishinde naqty jaýap berilmese, onda másele júıeli sıpatqa ıe dep tanylyp, Salyq kodeksine ózgerister engizý jónindegi jumys tobynyń talqylaýyna joldanady.
«Qabyldanǵan sheshimder kóp. О́zgeristerdi bıylǵy jyldyń sońynda kórýimiz múmkin, al kúshine enýi kelesi jylǵa sáıkes kelýi yqtımal», dedi Serik Jumanǵarın.
Onyń sózinshe, buǵan deıin Bıýdjet kodeksi men Salyq kodeksi arasynda keıbir sáıkessizdikter bolǵan. Alaıda naqty qandaı túzetýler jóninde sóz bolyp otyrǵanyn mınıstr tarqatyp aıtpady.
Buǵan deıin Qasym-Jomart Toqaev Ulttyq quryltaı otyrysynda jańa Salyq kodeksin jetildirýge múmkindik bar ekenin atap ótken edi.
Talqylanyp jatqan ózgeristerdiń qatarynda jaýapkershiligi shekteýli seriktestikter men ózin-ózi jumyspen qamtyǵan azamattardyń ózara is-qımylyn retteý máselesi bar. Sarapshylar buǵan deıin ártúrli aýqymdaǵy bıznes qurylymdar arasyndaǵy baılanysta túıtkilder kezdesetinin aıtqan bolatyn.
Salyq kodeksin engizý jónindegi jobalyq keńse tarapynan bıznes máselesi apta saıyn qaralady
