Geosaıası jaǵdaı jáne saýda: Qazaqstanda shuǵyl baılanys jelisi iske qosyldy

20 ret

kórsetildi

1 mın

oqý úshin

Syrtqy saýdadaǵy jaǵdaıdyń ózgerýine baılanysty Qazaqstanda eksporttaýshylardy qoldaý sharalary kúsheıtildi. Osyǵan oraı Eksporttyq shtab janynan bıznes ókilderimen jedel baılanys ornatýǵa arnalǵan arnaıy call-ortalyq iske qosyldy, dep habarlaıdy Egemen.kz.

Baıan SÚLEIMENQYZY

Geosaıası jaǵdaı jáne saýda: Qazaqstanda shuǵyl baılanys jelisi iske qosyldy

Foto: istockphoto.com

Jańa qyzmetti «QazTrade» eksportty damytý jónindegi ulttyq operator iske qosty. Ol Saýda jáne ıntegrasııa mınıstrliginiń qaramaǵynda jumys isteıdi.

Call-ortalyqtyń negizgi maqsaty – syrtqy naryqta jumys isteıtin otandyq eksporttaýshylardyń máselelerin der kezinde anyqtap, jedel sheshýge kómektesý.

Qazaqstan Taıaý Shyǵystaǵy jaǵdaıǵa baılanysty «jedel jeli» nómirlerin iske qosty

Eksporttaýshylar bul qyzmet arqyly logıstıka, esep aıyrysý, kedendik rásimder jáne syrtqy saýdaǵa qatysty basqa da qıyndyqtar týraly habarlaı alady. Túsken barlyq ótinishter tıisti memlekettik organdar men damý ınstıtýttarynyń qatysýymen qaralyp, naqty sheshimder ázirlenedi.

Mınıstrliktiń málimetinshe, syrtqy saýdadaǵy jaǵdaı turaqty baqylaýda. Qajet bolǵan jaǵdaıda eksporttyq jetkizilimderdi saqtaý úshin balamaly baǵyttar men jańa naryqtar qarastyrylmaq.

Almaty aporty eksportqa daıyndalyp jatyr: «QazTrade» pen óndirýshiler memorandýmǵa qol qoıdy

Eksporttaýshylar týyndaǵan máseleler boıynsha myna nómirge habarlasa alady: +7 777 022 23 34 (export.care@qaztrade.org.kz). Ortalyq jumys kúnderi (dúısenbi-juma) saǵat 9:00-den 17:00-ge deıin qyzmet kórsetedi.