Foto: Ashyq derekkóz
Atalǵan oblys prokýratýrasynyń málimetinshe, isti Semeı qalasynyń qylmystyq ister jónindegi aýdanaralyq soty qaraǵan. Tergeý barysynda aıyptalýshy elektrondyq tutyný júıelerin (veıpterdi) zańsyz ótkizý arnasyn uıymdastyrǵany anyqtalǵan.
Eske salaıyq, 2024 jylǵy 20 maýsymnan bastap Qazaqstanda veıpterdi jáne olarǵa arnalǵan suıyqtyqtardy satýǵa, taratýǵa, ákelýge jáne óndirýge tolyq tyıym salynǵan.
Soǵan qaramastan, sottalǵan azamat 3700-den astam jazylýshysy bar «Telegram» arnasy arqyly nıkotın quramdy ónimderdi satýdy jolǵa qoıǵan. Zańsyz saýdaǵa taǵy 2 adam tartylǵan.
Petropavlda stalkıng týraly jańa bap negizinde alǵashqy sot úkimi shyqty
Jedel is-sharalar barysynda quqyq qorǵaý organdary 784 elektrondyq qurylǵy men olarǵa arnalǵan suıyqtyqtardy zańsyz aınalymnan tárkilegen.
Sot úkimimen uıymdastyrýshy Qylmystyq kodekstiń 301-1-baby boıynsha kináli dep tanylyp, 2 jylǵa bas bostandyǵyn shekteý jazasyna kesildi. Onyń 2 sybaılasy árqaısysy 1 jyl 6 aıǵa bas bostandyǵyn shekteý jazasyn aldy.
Sondaı-aq qylmysqa paıdalanylǵan avtokólikter men uıaly telefondar memleket paıdasyna tárkilendi, al zańsyz ónimder joıylady.
Sot úkimi zańdy kúshine engen joq.
Astanada TikTok jelisindegi jalǵan «emshige» sot úkimi shyqty
