Is-shara aıasynda ortalyq kommýnıkasııalar alańynan Syrtqy ister mınıstrligi, IIM jáne Bas prokýratýra ókilderi mańyzdy málimettermen bólisti.
«Referendým kezinde 54 elde ornalasqan 71 referendým ýchaskesi jumys isteıdi. Áskerı caıası oqıǵalar men sheteldegi daýys beretin azamattar sanynyń azdyǵyna baılanysty 10 eldegi 11 ýchaske ashylmaıdy. Jalpy shetelderdegi ýchaskelerden daýys beretin azamattardyń sany − 14380 adam. Referendýmda daýys berý Astana ýaqytymen 3-te Tokıo jáne Seýl qalasynda bastaldy. 9-ǵa deıin 34 ýchaske ashylyp, ol jerde 354 adam daýys berip úlgergen», dedi Syrtqy ister mınıstriniń orynbasary Arman Isetov.
Búgin elimizdiń iri qalalarynda qoǵamdyq kólikpen qatynaý tegin bolady
Sondaı-aq Bas prokýratýrasynyń Qoǵamdyq múddelerdi qorǵaý qyzmeti basqarmasynyń basshysy Bekjan Qaramanov daýys berý zań aıasynda ótip jatqanyn málimdedi.
«Tynyshtyq kúni qoǵamda eki zańsyz saýalnama júrgizý faktisi anyqtaldy. Tulǵalar anyqtalyp, kinásin tolyq moıyndady. Zańsyz jazbalar joıyldy. Daýys berý kúni de úgit-nasıhatqa tyıym salynady», dedi Bekjan Qaramanov.
Ortalyq kommýnıkasııalar alańynda Ishki ister mınıstrligi resmı ókili Shyńǵys Álekeshev ishki ister organdary referendýmnyń qaýipsiz ótýin qamtamasyz etip jatqanyn habarlady.
Referendým: Ulytaý oblysynda 127 ýchaske jumysyn bastady
«Barlyq jeke quram qyzmettiń kúsheıtilgen rejımine kóshirilgen. Basshylyq jáne komandalyq quram táýlik boıy kezekshilik atqaryp jatyr. Memlekettik organdarmen birlese otyryp, referendým ýchaskeleri aldyn ala tekserildi. Olardyń tehnıkalyq, órt qaýipsizdigi, terrorızmge qarsy qorǵanysy qaraldy. Barlyq ýchaske táýlik boıy kúzetke alynǵan. Polısııa qyzmetkerleri daýys berý zaldarynda bolmaıdy. Olar tek komıssııa tóraǵasynyń shaqyrýymen jáne qoǵamdyq tártip buzylǵan jaǵdaıda ǵana kire alady. Qazirgi ýaqytta eldegi jaǵdaı turaqty. Tolyq baqylaýda», dedi Shyńǵys Álekeshev.
