Mıanma Respýblıkasy Odaqtyq saılaý komıssııasynyń komıssary Tan Htýt Teın Qazaqstandaǵy referendým tájirıbesi birqatar memleket úshin úlgi bola alatynyn atap ótti. Onyń aıtýynsha, halyqaralyq baqylaýshylar mıssııasy qoǵamdyq reaksııany, sondaı-aq azamattardyń konstıtýsııalyq ózgeristerdi talqylaýǵa qanshalyqty belsendi qatysqanyn muqııat baqylaǵan.
«Men osy prosespen baılanysty birneshe aspektini talqylaǵym keledi. Biz baıqaǵanymyz, qoǵamdyq talqylaý azamattar tarapynan belsendi qyzyǵýshylyqpen ótti. Halyq osy ózgeristerge jáne jańa Konstıtýsııanyń memleket múddesine qalaı qyzmet etetinine úlken qyzyǵýshylyq tanytty», dedi Tan Htýt Teın.
Sarapshynyń pikirinshe, memlekettiń bolashaǵyn konstıtýsııalyq ózgerister arqyly keńinen talqylaý el damýynyń mańyzdy tetigi sanalady. Mundaı ashyq qoǵamdyq dıalog azamattardyń saıası prosesterge qatysýyn arttyryp, reformalardyń mazmunyn tereń túsinýge múmkindik beredi.
«Mundaı prosester eldiń jaqsy bolashaǵyna jol ashatynyna úmit bar», dedi Mıanma saılaý komıssııasynyń ókili.
Túrkııa Joǵary saılaý keńesiniń tóraǵasy Qazaqstandaǵy referendýmǵa oń baǵa berdi
Sonymen qatar ol halyqaralyq baqylaýshylar mıssııasynyń jumysyna qatysý ózara tájirıbe almasýǵa jol ashqanyn aıtty. Onyń sózinshe, Qazaqstandaǵy referendýmdy baqylaý barysynda jınaqtalǵan tájirıbe aldaǵy ýaqytta Mıanmada da paıdalanylýy múmkin.
«Biz kóp sabaq aldyq jáne bul tájirıbeni óz elimizde paıdalanýdy josparlap otyrmyz», dedi Tan Htýt Teın.
Mıanma ókili Qazaqstan tarapyna halyqaralyq baqylaýshylar mıssııasyna qatysýǵa múmkindik bergeni úshin alǵys bildirip, saılaý jáne referendým prosesterin uıymdastyrý tájirıbesin bólisýdiń elder arasyndaǵy yntymaqtastyqty nyǵaıtatynyn atap ótti.
Reseı OSK ókili: Qazaqstandaǵy referendým zań talaptaryna saı ótti
