Foto: istockphoto.com
Elordada mereke kúnderi aýa raıy qubylmaly bolady. Alaıda sınoptıkter túnde jáne tańerteń qoıý tuman túsip, joldarda kóktaıǵaq bolatynyn eskertedi. Aýa temperatýrasy túnde -10...-3°S sýyq bolsa, kúndiz synap baǵanasy +2...+5°S jylylyqty kórsetedi. Jeldiń jyldamdyǵy sekýndyna 2-8 metrge jetedi.
Almaty qalasynda aldaǵy úsh kúnde jaýyn-shashyn kútilmeıdi. Mamandardyń boljamynsha, kún raıy birtindep jylynady. Túnde aýa temperatýrasy +1...+7°S jyly bolsa, kúndiz kún shýaǵy +14...+19°S-qa deıin kóteriledi. Soltústik-shyǵystan soqqan jeldiń ekpini qalypty – 3-8 m/s.
Shymkentte 20 naýryz kúni ótkinshi jańbyr jaýyp, kún kúrkireýi yqtımal. Jeldiń ekpini sekýndyna 15-20 metrge deıin kúsheıýi múmkin. Dese de, 21 naýryzdan bastap jaýyn saıabyrlap, kún jylynady. Kúndiz aýa temperatýrasy +16-dan +23°S-qa deıin kóterilip, túnde +5...+9°S jylylyqty saqtaıdy.
