Foto: egemen.kz/ Qyrmyzy Jumaǵalıqyzy
Mınıstrliktiń Medısınalyq jáne farmasevtıkalyq baqylaý komıteti júrgizgen monıtorıngtiń barysynda 1900 jeke emshara kabınetiniń 408-i tıisti lısenzııasyz medısınalyq qyzmet kórsetkeni anyqtaldy.
Ýákiletti organ júrgizgen tekserýlerdiń nátıjesinde 270 emshara kabıneti óz qyzmetin erikti túrde toqtatty. Sondaı-aq birqatar sýbekt qyzmetin zańdastyrýǵa daıyn ekenin bildirip, ruqsat berý qujattaryn rásimdeýge kirisken. 116 nysanǵa qatysty jospardan tys tekserýler bastaldy.
Aıda Balaeva: Memleket kepildik bergen medısınalyq kómektiń kólemi saqtalady
Tekserý is-sharalarynyń qorytyndysy boıynsha mynadaı júıeli buzýshylyqtar anyqtaldy:
• medısınalyq qyzmetti lısenzııasyz júzege asyrý;
• sanıtarııalyq-epıdemıologııalyq talaptardy saqtamaý;
• dárilik zattardy saqtaý sharttarynyń buzylýy;
• bilikti medısınalyq personaldyń bolmaýy;
• shuǵyl medısınalyq kómek kórsetýge arnalǵan qajetti jıyntyqtardyń bolmaýy.
Qazaqstanda medısınalyq kómektiń sapasyn basqarýdyń keshendi jospary bekitildi
Baqylaý is-sharalarynyń nátıjeleri boıynsha 147 ákimshilik hattama toltyrylyp, zań talaptaryn eskermegen mekemelerge jalpy somasy 16 mln teńgeden astam aıyppul salynǵan.
