Prezıdent atap ótken strategııalyq mańyzy bar «Darbaza – Maqtaaral temirjol jelisiniń qurylysy» jobasyn tolyq iske qosý 2026 jylǵy jeltoqsanǵa josparlanǵan. Túrkistan oblysy ákimdiginiń habarlaýynsha, qurylys alańynda atqarylyp jatqan jumystardyń barysy qatań baqylaýǵa alynǵan. Jobanyń qurylysyn «Qazaqstan temir joly» UK» AQ tapsyrysymen «Integra Construction KZ» JShS júrgizip jatyr. Jýyrda oblys ákimi Nuralhan Kósherovtiń «Qazaqstan temir joly» UK» AQ-nyń qurylys jónindegi basqarýshy dırektory Marat Isqalıevpen jáne jobany iske asyrýshy «Integra Construction KZ» JShS ókilderimen kezdesýinde qurylys barysyndaǵy ózekti máseleler men olardy sheshý joldary jan-jaqty talqylandy. Jobanyń negizgi maqsaty – «Darbaza – Maqtaaral» jańa temirjol jelisi arqyly júk jáne jolaýshylar tasymalynyń kólemin arttyrý, tranzıttik tasymaldardy ashý, jańa baǵyttardy iske qosý, sondaı-aq Túrkistan – Shymkent – Tashkent ýchaskesindegi ótkizý qabiletin táýligine 35 jup poıyzǵa deıin ulǵaıtý. «Qazaqstan temir joly» UK» AQ-nyń qurylys jónindegi basqarýshy dırektory Marat Isqalıevtiń aıtýynsha, qazir aıaqtalǵan jer qazý jumystarynyń jalpy kólemi 9,1 mln tekshe metrdi quraıdy. 19,8 shaqyrymǵa relsti shpal tory tóselgen. Sonymen qatar kópirler men ótkelder salý, sý qubyrlaryn júrgizý, jasandy qurylymdardy montajdaý jumystary qarqyndy atqarylyp jatyr. Jer tegisteý 70 paıyzǵa aıaqtalǵan. Tek Syrdarııa ózeni jaǵalaýyndaǵy jumystar jalǵasyp jatyr. Sondaı-aq temirjol boıy-na shaǵal tóselip, kópirler salynýǵa tıis. «Erdáýit» stansasynan ózenge deıin 7 kópirdiń qurylysy aıaqtalǵan. Bul jumystarǵa 560-tan astam adam men 400-ge jýyq arnaıy tehnıka jumyldyrylǵan.
Temirjol jelisiniń uzyndyǵy – 172 shaqyrym. Onyń 15,35 shaqyrymy Maqtaaral aýdany aýmaǵy arqyly ótedi. Búginde jobany júzege asyrý maqsatynda «Maqtaaral» stansasyn ornalastyrýǵa qajetti jer telimderin memleket muqtajy úshin ıelikten shyǵarý rásimderi bastalǵan. Aýdan ákimi Baqyt Nasyrhanulynyń aıtýynsha, josparǵa sáıkes turǵyn úı qurylysyna arnalǵan – 0,9987 gektar bolatyn 8 jer telimi, kásipkerlik jáne ózge maqsattaǵy – 2,25 gektar bolatyn 11 jer telimi, aýyl sharýashylyǵy maqsatyndaǵy – 27,02 gektar bolatyn 34 jer telimi jáne memlekettik jer paıdalanýshylardaǵy – 0,6 gektar bolatyn 7 jer ýchaskesi memleket menshigine qaıtarylatyn bolady. Jańa baǵyt «Saryaǵash» ótkizý pýnktiniń júktemesin túsiredi, sondaı-aq Saryaǵash, Keles, Jetisaı, Maqtaaral jáne Shardara aýdandaryn baılanystyrady. Atalǵan baǵyttyń ótkizý qabiletin edáýir arttyryp, magıstraldyq kólik, kedendik jáne shekaralyq ınfraqurylymnyń damý deńgeıin kóterýge múmkindik beredi. Jeli bes aýdannyń aýmaǵy arqyly ótip, Qazaqstandy О́zbekstanmen baılanystyratyn kólik dálizine aınalady. Budan bólek, oblystyń áleýmettik-ekonomıkalyq damýy-na serpin berip, jańa óndiristerdiń ashylýy-na jáne qosymsha jumys oryndarynyń qurylýyna yqpal etedi.
Sondaı-aq Memleket basshysy Qasym-Jomart Toqaev Ulttyq quryltaıdyń V otyrysynda eldegi kólik ınfraqurylymyn damytý máselesine erekshe toqtaldy. Sonyń ishinde, Saryaǵash qalasy mańyndaǵy kólik qozǵalysynyń tyǵyz ekenin atap ótip, osy máseleni sheshý maqsatynda bıyl «Saryaǵash aınalma joly» jobasynyń qurylysyn qolǵa alý qajettigin aıtqan edi. Al Úkimettiń keńeıtilgen otyrysynda temirjolmen qatar avtokólik tasymalyn damytýǵa qatysty iri jobalardy da júzege asyrý barysyn qatań baqylaýǵa alýdy tapsyrdy. Saryaǵash aınalma jolynyń jalpy uzyndyǵy 102 shaqyrym bolady. Jobalaý-smetalyq qujattamanyń quny – 238,1 mlrd teńge. Bul jol – I b sanatyndaǵy, 4 jolaqty avtomobıl joly. Joba respýblıkalyq mańyzy bar A-15 avtomobıl jolyna balama baǵyt retinde qyzmet atqaryp, Saryaǵash qalasy men oǵan irgeles aýmaqtardaǵy kólik júktemesin azaıtady. Tranzıttik kólikterdiń kedergisiz qozǵalysyn qamtamasyz etýge múmkindik beredi. Sonymen qatar jol qozǵalysy qaýipsizdigi artyp, óńirdiń kólik-logıstıkalyq áleýetin damytýǵa oń áserin tıgizedi.
Túrkistan oblysy
