Foto: gov.kz
Sońǵy jyldary Astanada shamamen 500 qoǵamdyq jáne aýla keńistigi abattandyrylǵan. Jeńis Qasymbek abattandyrý barysynda kógaldandyrýǵa erekshe nazar aýdarylǵanyn atap ótti.
«Myńjyldyq» alleıasyndaǵy jumys Qýanyshbaev atyndaǵy teatr aldynda ornalasqan gúlzar, temirjol vokzaly mańyndaǵy park, «Nurly jol» vokzalynyń aýmaǵynda bastalady. Bul – uzyndyǵy 4 shaqyrymnan asatyn iri jelilik saıabaqty salýdyń alǵashqy kezeńi. Ol bolashaqta qalanyń negizgi oryndaryn birtutas jaıaý júrginshiler osine biriktiredi. Sol sııaqty Tóle bı kóshesinen Ánet baba kóshesine deıin, Kúltegin kóshesinen Aıtmatov kóshesine deıingi Greenline jaıaý júrginshiler jelekjolyn (2-kezek) abattandyrý jumysy jalǵasyp jatyr. Munda oıyn jáne sport alańdary, toǵandar júıesi jáne basqa da nysandar qarastyrylady», dep jazdy Jeńis Qasymbek.
О́zgerister Qaldaıaqov, Kenesary kósheleri, sondaı-aq Máńgilik el, Qabanbaı batyr, Momyshuly jáne Uly dala dańǵyldaryn da qamtıdy.
Esil ózeni boıymen de jaıaý júrginshiler baǵytyn qalyptastyrý jumysy jalǵasyp jatyr. Sondaı-aq «Beıbitshilik jáne kelisim» saıabaǵyn jańa Kongress-ortalyq baǵytyna qaraı, «Qalalyq romans» saıabaǵyn abattandyrý jumysy júrgizilýde. Sonymen qatar Kishi Taldykól aýmaǵynda eko-saıabaqty abattandyrý jumysy bastalady.
«Shámshi álemi»: Astanada kompozıtor qurmetine mýzykalyq ınstallıasııa ornatyldy
Sondaı-aq «Tulpar» saýda úıi janyndaǵy, №119 mektep mańyndaǵy, Pýshkın kóshesindegi, Sátbaev kóshesi men Momyshuly dańǵylynyń qıylysyndaǵy gúlzarlar abattandyrylady. Sol sııaqty Momyshuly dańǵyly, Qudaıberdiuly kóshesi, Qoshqarbaev dańǵyly jáne t.b. aýmaqtar qamtylady. Qala ákimi osy baǵyttaǵy jumystar elordanyń barlyq aýdanynda júrgiziletinin málimdedi.
