Qazirgi tańda jarylǵysh zat qoıylǵany nemese qoǵamdyq qaýipsizdikke qaýip tóngeni týraly jalǵan habarlamalar ınternet, messendjerler men áleýmettik jeliler arqyly taralyp jatyr. Tipti ázil retinde jasalǵan mundaı áreketterdiń ózi aýyr saldarǵa ákelýi múmkin.
Mamandardyń aıtýynsha, jalǵan aqparat jappaı evakýasııaǵa, mekemelerdiń jumysynyń toqtaýyna jáne shuǵyl qyzmetterdiń negizsiz jumyldyrylýyna sebep bolady. Sondyqtan mundaı áreketter úshin kinálilerge bas bostandyǵynan aıyrýǵa deıingi jaza kózdelgen.
Mınıstrlik barlyq habarlamalar mindetti túrde tekseriletinin, al ony taratqan tulǵalar zamanaýı tehnologııalar arqyly anyqtalatynyn atap ótti.
Polısııa azamattardy tekserilmegen aqparatty taratpaýǵa, jalǵan habarlamalar jasamaýǵa jáne balalarǵa mundaı áreketterdiń jaýapkershiligin túsindirýge shaqyrady. Al kúmándi nemese qaýipti habar alǵan jaǵdaıda dereý quqyq qorǵaý organdaryna habar berý qajet.
