Zarına Dıas Maıamıdegi saıycyn aıaqtady

ASTANA. 27 naýryz. AQSh-tyń Maıamı qalasynda ótip jatqan tennısten WTA týrnırinde elimizdiń birinshi raketkasy Zarına Dıas ekinshi aınalymnan asa almady. Kort qojaıyny Ketrın Bellıspen kúsh synasqan ol 2:6, 1:6 esebimen ese jiberdi. Bul týraly egemen.kz habarlady. Týra bir saǵatqa sozylǵan oıynda qazaq tennısshisi tek úsh geımde ǵana upaı aldy. Qarsylasynyń jasy 15-te ǵana. Soǵan qaramastan ol ár sette úsh breıkten jasap, Zarınanyń adymyn ashtyrmady. Al bizdiń qyz eki kezeńde bir-birden qarsylasynyń dobyn óz paıdasyna jazǵanyn aıta keteıik. Osy oıynnan keıin qos tennısshi arasyndaǵy kezdesýlerdiń jalpy esebi 1:1 boldy. Alǵash ret ótken jyly AQSh ashyq birinshiliginiń ekinshi aınalymynda joldary túıisken bolatyn. Ol kezde match úsh setke sozylyp, Zarına 6:3, 0:6, 6:2 esebimen jeńiske jetti. Búgin sol kezde ketken eseni Ketrın artyǵymen qaıtardy. Endi ol týrnırdiń úshinshi aınalymynda áıgili otandasy Serena Ýılıamsqa qarsy oınaýy múmkin. Ol úshin álemniń nómiri birinshi raketkasyna Rýmynııa tennısshisi Monıka Nıkýleskýdi jeńýi kerek. Aıta keteıik, Zarına búginde álemniń 32-raketkasy. Al Maıamıdegi týrnırge myqtylar qataryna qosylyp, 29-raketka retinde qatysty. Tipti jarysty birden ekinshi aınalymnan bastady. Iаǵnı, Bellıspen bolǵan oıyn bizdiń qyz úshin osy saıystaǵy alǵashqy kezdesý. Al qarsylasy búginde WTA reıtınginiń 211-satysynda tur. О́tken jyly Zarınadan utylǵan kezde úzdik myń tennısshiniń qataryna da enbeıtin edi. Búgingi oıynnyń qorytyndysy qos tennısshiniń reıtıngtik kórsetkishterine aıtarlyqtaı ózgeris engizetini aıtpasa da túsinikti. Elaman Qońyr. Derek: egemen.kz. Sýret: wtatennis.com.