Aqparat kózderiniń málimetinshe, shabýyl Máskeý ýaqytymen tańǵy 05:30-da (Astana ýaqytymen 07:30) bastalǵan. Ekaterınbýrg turǵyndary aspandaǵy gúrilden soń, qatty jarylys daýysyn estigen.
Ekaterınbýrgtiń dál ortalyǵynda ornalasqan «Trınıtı» turǵyn úı keshenine dron kelip soǵylǵan. Joǵarǵy qabattardyń terezeleri qırap, tútin shyqqan. Kópqabatty úıden 50-den astam adam evakýasııalanǵan. Kem degende tórt páterge zaqym kelgen.
Irannyń drony Ázerbaıjan aýmaǵyna qulady: Shekaraǵa ásker toptastyrylyp jatyr
Aldyn ala málimet boıynsha, qalaǵa Ýkraınanyń «Lıýtyı» tıpti ushqyshsyz ushý apparattary shabýyl jasaǵan. Dronnyń bólshekteri men ǵımarat qasbetiniń synyqtary oqıǵa ornynan 200 metr qashyqtyqqa deıin shashyraǵan.
Shabýyl saldarynan alty adam zardap shekti. Olardyń biri túrli jaraqattarmen aýrýhanaǵa jatqyzylsa, qalǵan beseýi tútinge ýlanyp, aýrýhanaǵa barýdan bas tartqan.
Sonymen qatar Chelıabınsk mańynda da birneshe jarylys boldy. Jergilikti bılik ınfraqurylym nysandarynyń birine jasalǵan shabýyldyń beti qaıtarylǵanyn, zardap shekkender joq ekenin aıtady.
