Foto: Depositphotos.som
Polisia.kz habarlaǵandaı, jumystardy patrýldik polısııanyń mamandandyrylǵan batalony negizgi magıstraldarda júrgizgen. Ásirese apatty jaǵdaı týǵyzatyn jáne qaýipti júrgizý mánerin kórsetetin júrgizýshilerdi anyqtaýǵa basymdyq berildi. Sonymen qatar ákimshilik polısııanyń ózge de bólimsheleri reıdtik jáne aldyn alý sharalaryn qatar uıymdastyryp, jol jaǵdaıyn keshendi baqylaýǵa aldy.
Polısııa memlekettik nómirin jasyrǵan kólik júrgizýshilerimen kúresti bastady
Osyndaı derekterdiń biri túngi ýaqytta Ál-Farabı dańǵyly boıynda tirkeldi. Bir top kólik júrgizýshisi jyldamdyqty shamadan tys arttyrý, kúrt jolaq aýystyrý jáne ózge qatysýshylarǵa kedergi keltirý arqyly agressıvti júrgizý belgilerin kórsetken. Jedel áreket nátıjesinde atalǵan kólikter toqtatyldy.
Tekserý qorytyndysynda júrgizýshilerge qatysty qaýipti manevr jasaý jáne apatty jaǵdaı qalyptastyrǵany úshin ákimshilik hattamalar toltyryldy. Al kólikter arnaıy turaqqa qoıyldy.
Almaty qalalyq polısııa departamenti ákimshilik polısııa basqarmasynyń bastyǵy Ábdınur Tasybaev agressıvti júrgizýdiń qoǵamǵa tóndiretin qaterine toqtaldy. Onyń aıtýynsha, agressıvti júrgizý – qaýipsizdik talaptaryn ádeıi elemeý, al mundaı áreketter adamdardyń ómiri men densaýlyǵyna tikeleı qaýip tóndiredi.
«Mundaı quqyqbuzýshylyqtar júıeli túrde jáne qatań túrde toqtatylady. Birde-bir derek quqyqtyq baǵalaýsyz qalmaıdy», dedi ol.
