«Qazgıdromet» málimetinshe, keı aımaqtarda naızaǵaı oınap, jańbyr jaýyp, jel kúsheıedi.
Astanada kún bultty bolǵanymen, jaýyn-shashyn kútilmeıdi. Túnde aýa temperatýrasy +2…+4°C shamasynda bolyp, jer betinde úsik baıqalýy múmkin, al kúndiz +21…+23°C-qa deıin jylıdy.
Almatyda kún ashyq, jaýyn-shashynsyz: túnde +10…+12°C, kúndiz +24…+26°C bolady.
Shymkentte aýa raıy qurǵaq ári ystyq, kúndizgi temperatýra +30°C-qa deıin kóteriledi.
Aqtaýda kún bultty, jańbyr jaýyp, naızaǵaı kútiledi. Munda túnde +7…+9°C, kúndiz +14…+16°C bolady.
Aqtóbede jaýyn-shashynsyz, túnde +1…+3°C, kúndiz +16…+18°C shamasynda bolmaq. Atyraýda da kún ashyq, temperatýra túnde +5…+7°C, kúndiz +18…+20°C aralyǵynda saqtalady.
Jezqazǵan, Qaraǵandy, Kókshetaý jáne Pavlodar qalalarynda jaýyn-shashynsyz, kúndizgi temperatýra +21…+26°C shamasynda jyly bolady. Qostanaı men Petropavlda da aýa raıy turaqty, kúndiz +17…+22°C aralyǵy saqtalady.
Ońtústik óńirlerde, atap aıtqanda, Qyzylorda men Túrkistanda, kún ystyq ári qurǵaq bolyp, aýa temperatýrasy +30…+32°C-qa deıin jetedi. Taraz ben Taldyqorǵanda da kún ashyq, +26…+28°C shamasynda jyly bolady.
Batys óńirlerdiń keıbirinde, ásirese Oralda, jańbyr jaýyp, naızaǵaı oınap, jeldiń ekpini 15-20 m/s-qa deıin kúsheıýi múmkin. О́skemen men Semeıde kún ashyq, jaýyn-shashynsyz, kúndiz +24…+26°C shamasynda bolady dep boljanǵan.
