Ishki ister mınıstrligi respýblıka aýmaǵynda «STOP trafık» atty kezekti aýqymdy jedel-profılaktıkalyq is-shara uıymdastyryp, adam saýdasyna qatysty 41 qylmys tirkedi. Onyń ishinde kámeletke tolmaǵandarǵa qatysty 9 derek bar.
«Qyzylorda oblysynda jańa týǵan sábıdi satý shemasy anyqtaldy. Belgili bolǵandaı, 25 jastaǵy áıel bala týǵanǵa deıin de, týǵannan keıin de arnaıy qoǵamdyq qorda turǵan. Onyń baladan bas tartýyna baılanysty qor jetekshisi deldal retinde sábıdi oblystyń 50 jastaǵy turǵynyna 1 mıllıon teńgege asyrap alý úshin satýdy usynǵan. Qazirgi ýaqytta úsheýi de ýaqytsha ustaý ızolıatoryna qamaldy», dep málimdedi IIM-niń uıymdasqan qylmysqa qarsy kúres departamentiniń ókili Qýandyq Alpys.
Pavlodarda jańa týǵan sábıin 800 myń teńgege satpaq bolǵan áıel ustaldy
Sonymen qatar, tekserý jumystary nátıjesinde Almaty qalasynda adamdardy qylmystyq maqsatta paıdalanýmen aınalysqan uıymdasqan top áshkerelengen. Olar turaqty mekenjaıy joq adamdardy taýyp, olardy túrli jolmen paıdalaný úshin tartqan. Sonymen qatar, olardyń atyna qymbat avtokólikter rásimdep, keıin basqa qalalarda satýmen aınalysqan. Qazirgi ýaqytta negizgi uıymdastyrýshylar ustaldy, tergeý jalǵasyp jatyr.
