Servıs statıstıkalyq eseptilikti tez túsinýge, qajetti derekterdi jyldam tabýǵa jáne Bıýro qyzmetterin baılanys ortalyǵyna júginbeı-aq paıdalanýǵa múmkindik beredi.
Pılottyq kezeń jáne jetildirý
Joba 2026 jyldyń sáýir aıynda pılottyq rejımde iske qosylǵan. Testileý nátıjeleri boıynsha servıs jetildirilip, bilim bazasy keńeıtildi, suranystardy óńdeý algorıtmderi jaqsartyldy, jaýaptardyń dáldigi men tolyqtyǵy artty.
«AI Stat» Bıýronyń sıfrlyq ekojúıesine tolyq ıntegrasııalanǵan jáne respondentter men paıdalanýshylarǵa yńǵaıly bolýǵa baǵyttalǵan. Ol bir ınterfeıs arqyly keńes berý, derekter boıynsha navıgasııa jáne eseptilikke qatysty qoldaý qyzmetin biriktiredi.
Servıstiń negizgi múmkindikteri
Vırtýaldy kómekshi dıalog formatynda jumys istep, paıdalanýshyny negizgi prosesterde súıemeldeıdi. Atap aıtqanda, ol:
- statıstıkalyq eseptilik boıynsha keńes beredi;
- esep formalaryn toltyrýǵa kómektesedi;
- qatelikterdiń aldyn alýǵa yqpal etedi;
- derekterdi izdeý men sıfrlyq servısterde navıgasııany jeńildetedi, sonyń ishinde «Respondent kabınetimen» jumys isteýge kómektesedi.
Sonymen qatar, júıe BSN nemese JSN boıynsha mindetti statıstıkalyq formalardyń tizimin avtomatty túrde qalyptastyrady, qyzmet túrine qaraı EQJJ kodtaryn usynady jáne qajet bolǵan jaǵdaıda baılanys ortalyǵyna ótinish joldaıdy.
«Qozy Kórpesh – Baıan Sulý» eposy jelisimen JI-fılm túsirildi
Osylaısha, «AI Stat» alǵashqy qoldaý deńgeıindegi qyzmetti atqaryp, operatorlardyń júktemesin azaıtady jáne paıdalanýshylarǵa aqparatty jyldam alýǵa múmkindik beredi.
Sıfrlyq damýdyń jańa kezeńi
Bıýro basshysy Maqsat Turlybaevtyń aıtýynsha, búginde paıdalanýshylar derekterge jyldam ári ońaı qol jetkizýdi kútedi. «AI Stat» osy suranysqa jaýap beretin jáne memlekettik sektorda jasandy ıntellekt sheshimderin damytýǵa baǵyttalǵan mańyzdy qadam bolmaq.
Álemdik sarapshy Lı Kaı Fý Almatyda JI boıynsha sabaq ótkizdi
Servıs qazirdiń ózinde eki tilde qoljetimdi. Aldaǵy ýaqytta onyń aǵylshyn tilindegi nusqasyn iske qosý josparlanyp otyr. Jobany damytý aıasynda fýnksıonal keńeıtilip, jańa qoldaný ssenarııleri engizilmek.
