Foto: qr-pib.kz
Elordalyq medısınalyq mekemede qoldanystaǵy JCI sertıfıkatyn keńeıtý boıynsha ınspeksııalyq aýdıt ótti. Tekserý jańa 80 oryndyq kópsalaly stasıonar men bir aýysymda 450 kelýshi qabyldaıtyn emhana ǵımaratynyń iske qosylýyna baılanysty júrgizilgen. Aýdıt qorytyndysy boıynsha aýrýhana qyzmeti halyqaralyq standarttarǵa tolyq saı keletini rastaldy. Bul akkredıtasııa – medısınalyq qyzmet qaýipsizdigi men sapasynyń álemdik deńgeıdegi eń bedeldi ári obektıvti baǵasy.
Endi medısına túlekterine rezıdentýrany ótpeı-aq jumys isteýine ruqsat beriledi
JCI júıesi jahandyq densaýlyq saqtaý salasyndaǵy «altyn standart» sanalady. Qazirgi tańda ol álemniń 60 elindegi 1000-nan astam jetekshi memlekettik jáne jekemenshik medısınalyq uıymdarda engizilgen. Prezıdent Is basqarmasy medısınalyq ortalyǵynyń aýrýhanasy osy qatarǵa 2016 jyldan beri kiredi. Sodan beri mekeme 2019, 2022 jáne 2025 jyldary halyqaralyq talaptarǵa sáıkestigin júıeli túrde rastaǵan.
Aýrýhana ınfraqurylymy kezeń-kezeńimen damyp keledi. Atap aıtqanda, 2023 jyly 200 oryndyq emdeý korpýsy men sıklotrony bar óndiristik keshen iske qosyldy. Bul jobalardyń barlyǵy halyqaralyq hattamalarǵa saı qatań baqylaýmen júzege asyrylǵan.
Sońǵy aýdıttiń sátti ótýi medısınalyq uıymnyń pasıent qaýipsizdigin qamtamasyz etý men emdeý tıimdiligin arttyrýdaǵy joǵary daıyndyq deńgeıin kórsetti. Al JCI sertıfıkatynyń jańa nysandarǵa keńeıtilýi aýrýhananyń otandyq medısınanyń kóshbasshysy retindegi mártebesin aıqyndaı túsedi.
Medısınada jasandy ıntellekt qoldaný: Jańa normatıvtik qujat ázirlendi
