Fýtbol. Qazaqstan Prezıdenti kýbogyn Ispanııa ıemdendi

ASTANA. 27 maýsym. Astanada fýtboldan 17 jasqa deıingi jasóspirimder arasynda ótken Qazaqstan Prezıdentiniń Kýbogy úshin týrnırde Ispanııa jastary jeńimpaz atandy. Olar fınalda Ázerbaıjandy oıyn sońyndaǵy penaltı arqyly jeńdi. Al Qazaqstan quramasy qola júldege talasta Grýzııadan 1:8 esebimen oısyraı jeńildi. Bul týraly egemen.kz habarlady. Fınaldyq báseke asa tartysty ótti. Soǵan qaramastan, qarsylastar birinshi taımda bir-biriniń osal tusyn taba almady. Al kezdesýdiń ekinshi bóliginde ázerbaıjan jastary esep ashyp ketti. Alaıda, ıspandar kóp ýaqyt ótpeı jatyp tarazy basyn teńestirdi. Qos goldyń da avtory komanda kapıtandary ekenin aıta keteıik. Nátıjesinde týrnır jeńimpazy oıyn sońyndaǵy penaltı arqyly anyqtaldy. Bul synda Ispanııa quramasynyń baǵy basym bolyp, 4:1 esebimen jeńiske jetti. Osylaısha Pıreneı túbeginiń ókilderi Qazaqstan Prezıdentiniń Kýbogy jarysynda chempıondyq ataqtaryn qorǵap qaldy. О́tken jyly da osy saıysta Ispanııa top jarǵan edi. Jarystyń qola júldesi grýzınderge buıyrdy. Úshinshi oryn úshin bolǵan oıynda olardyń Qazaqstandy iri eseppen jeńgenin joǵaryda aıttyq. Al Tájikstandy 1:0 esebimen jeńgen Reseı-2 komandasy 5-oryn alsa, 7-orynǵa Belarýs quramasy taban tiredi. Olar bul oryn úshin ótken matchta Qyrǵyzstannan 3:1 esebimen basym tústi. Elaman Qońyr. Derek: egemen.kz. Sýret: presidentcup.kz.