Vıse-mınıstrdiń sózinshe, tergeý jumystary aıaqtalýǵa jaqyn.
«Nuraı Serikbaıdyń ólimi boıynsha is aıaqtalý satysynda. Jábirlenýshi tarap usynǵan ýájder tekserilip jatyr», dedi Sanjar Ádilov.
Buǵan deıin vıse-mınıstr bul is boıynsha sot-psıhıatrııalyq saraptama aıaqtalǵanyn habarlaǵan edi. Endi saraptama qorytyndysyna sáıkes, kúdikti esi durys dep tanylyp, tolyq kólemde sot aldynda jaýap beredi.
«Ol zań aldynda esi durys tulǵa retinde jaýap beredi. Qazirgi tańda tergeý aıaqtalý satysynda», dep atap ótti ol.
Jazadan qutyla almaıdy: Nuraı Serikbaıdy óltirgen kúdiktiniń aqyl-esi durys dep tanyldy
Eske salaıyq, qaıǵyly oqıǵa bıyl 11 qańtarda bolǵan. Baqylaý kameralaryndaǵy jazbalarda er adamnyń Nuraıdy qýyp jetip, oǵan pyshaq jaraqatyn salǵany jáne oqıǵa ornynan qashyp ketkeni kórinedi. Eki kúnnen keıin 28 jastaǵy kúdikti Shymkent mańynda ustalǵan.
Prezıdent Qasym-Jomart Toqaev bul iske nazar aýdaryp, quqyq qorǵaý organdarynyń áreketin tekserýdi tapsyrǵan bolatyn.
Nurbolat AMANBEK
