Partııa tóraǵasy bolyp Dádebaı Aıbek Arqabaıuly saılandy. Delegattar aldynda sóz sóılegen «Ádilet» partııasynyń tóraǵasy negizgi jumys baǵyttaryn aıqyndady.
«Bizdiń partııamyzdyń negizi zań ústemdigi men tártip qaǵıdattaryna qurylady. Halyqtyń zań ústemdigine degen senimi – memlekettiń basty resýrsy ári tiregi. Sondyqtan bizdiń negizgi mindetimiz – ádildikti jarııalaý ǵana emes, ony ortaq mádenıetimizdiń ajyramas bóligine ári kúndelikti ómirimizdiń shartyna aınaldyrý. Basqasha aıtqanda, Ádildik ulttyq sana men bolmystyń aıryqsha sıpatyna aınalýǵa tıis. Memleket basshysy Qasym-Jomart Toqaev óz nazaryn únemi dál osy baǵytqa aýdaryp keledi», dedi Aıbek Dádebaı.
«Ádilet» partııasy óz qyzmetin zań jáne tártip, tıimdi ınstıtýttar, qýatty óńirler – qýatty el, is júzindegi Halyq únine qulaq asatyn memleket, ádiletti ári básekege qabiletti ekonomıka, áleýmettik yntymaq pen ataýly qoldaý, adamı áleýetke basymdyq berý, sıfrlyq memleket, Taza Qazaqstan, jaýapty orta derjava jáne jańa geosaıası etıka qaǵıdattary tóńireginde qurady.
«Ádilet» ıdeologııasynyń negizinde Qazaqstannyń jarqyn bolashaǵy ár azamattyń búgingi kúndelikti tańdaýy arqyly qalyptasady degen senim jatyr. Bul – adal eńbek etý, zańdy qurmetteý jáne el ómirine beıjaı qaramaı, qoǵam isine belsendi atsalysý.
«Bizdiń nıettesterimiz – dál osyndaı azamattar. Olar – belsendi, jaýapkershiligi joǵary, el damýyna úles qosatyn jandar. Biz birge eńbek etemiz, jumysty ashyq, adal ári qoǵam aldynda esep bere otyryp júrgizemiz. Biz jeńil sheshimder usynbaımyz. Júıeli, jaýapty jáne dáıekti jumys júrgizýge ýáde beremiz», dep atap ótti Aıbek Dádebaı.
«Ádilet» partııasy óz qundylyqtary retinde ádilettilik, patrıotızm, jaýapkershilik, eńbekqorlyq jáne damýdy jarııalady. Baǵdarlamada «Zań men tártip» qaǵıdasy basty negiz retinde kórsetilgen.
Partııanyń maqsaty – Qazaqstandaǵy árbir adal eńbektiń ádil ári laıyqty baǵalanýyna jaǵdaı jasaý. Sonymen qatar eldiń tehnologııalyq, ıntellektýaldyq jáne ınstıtýsıonaldyq damýyn qoldaý kózdelgen.
Bilim, densaýlyq saqtaý, ǵylym, mádenıet jáne kreatıvti ındýstrııalardy damytýǵa erekshe kóńil bólinedi. Medısına salasynda basty nazar adamnyń densaýlyǵyna aýdarylyp, alǵashqy medısınalyq kómekti kúsheıtý jáne dárigerlerdiń jaǵdaıyn jaqsartý josparlanǵan.
Aımaqtardyń teń damýy da negizgi baǵyttardyń biri retinde qarastyrylǵan. Partııa pikirinshe, ár óńirdiń ortalyqtan ádil qoldaý alýy mańyzdy.
Halyqaralyq deńgeıde «Ádilet» Qazaqstandy orta derjavalyq jáne turaqtandyrýshy el retinde kórsetýge umtylady.
Sonymen qatar partııa árbir ýádesi boıynsha turaqty túrde jarııa esep berýdi engizýdi josparlap otyr.
«Ádilet» partııasy arnaıy sıfrlyq platformany iske qosty, ol arqyly azamattar múshelikke ótinish bere alady jáne bastamalar usyna alady.
Partııaǵa 18 jasqa tolǵan, zań talaptaryna saı azamattar múshe bola alady. Qazirgi tańda uıymǵa 9812 adam tirkelgen, bul zańmen belgilengen talaptardy tolyq oryndaıdy.
Quryltaı sezi partııany resmı tirkeýdiń mańyzdy kezeńi ári Qazaqstandaǵy saıası mádenıetti damytýdaǵy mańyzdy qadam retinde baǵalanýda.
