Foto: Ashyq derekkóz
Boljamǵa sáıkes, 9 mamyrda eldiń ońtústik-batysynda, soltústik-batysynda jáne soltústiginde, al 10-11 mamyr kúnderi shyǵysynda, ońtústiginde jáne ońtústik-shyǵysynda nóser jańbyr kútiledi. Keı jerlerde burshaq jaýýy múmkin, al jeldiń ekpini kúsheıedi.
Meteorologtar el aýmaǵy boıynsha jeldiń kúsheıýi baıqalatynyn, ońtústik óńirlerde shańdy daýyl turý yqtımaldyǵy baryn aıtady. Sondaı-aq túngi jáne tańǵy ýaqytta tuman túsedi dep boljanyp otyr.
8 mamyrǵa arnalǵan aýa raıy boljamy: Elimizdiń basym bóliginde jańbyr jaýady
Sınoptıkterdiń dereginshe, aldaǵy kúnderi Qazaqstan boıynsha aýa temperatýrasy birtindep tómendeıdi. 11 mamyrda eldiń soltústik jartysynda túngi ýaqytta 1-6 gradýsqa deıin úsik júrýi múmkin.
Kúndizgi temperatýra óńirler boıynsha mynadaı deńgeıde bolady:
- Batysta – 13-28 gradýs jyly;
- Soltústik-batysta – 10-18 gradýs jyly;
- Soltústikte – 5-13 gradýs jyly;
- Ortalyqta jáne shyǵysta – 8-18 gradýs jyly;
- Ońtústikte – 17-26 gradýs jyly;
- Ońtústik-shyǵysta – 15-22 gradýs jyly;
- Taýly aımaqtarda – 8-13 gradýs jyly.
«Qazgıdromet» mamandary turǵyndardy aýa raıynyń kúrt ózgerisine daıyn bolýǵa shaqyryp, ásirese úsik pen jaýyn-shashyn kezeńinde saqtyq sharalaryn ustanýdy eskertedi.
Aptap ystyq, nóser, burshaq: Mamyr aıynda aýa raıy qubylmaly bolady
