Foto: Ashyq derekkóz
Nurlan Saýranbaevtyń aıtýynsha, 10 myńnan astam azamat elge qaıtaryldy.
«Alǵashqy kezeńde shamamen 4 myń adam týraly aıtylǵan edi. Alaıda evakýasııa bastalǵan kezde ol jaqta bizdiń 10 myńnan astam azamatymyz bar ekeni anyqtaldy. Orta eseppen memleket bul sharalarǵa shamamen 4 mıllıon dollar jumsady», dedi mınıstr.
Onyń sózinshe, áýe kompanııalarynyń shyǵyndarynyń bir bóligi memleket tarapynan ótelgen. Sonymen qatar keıbir jolaýshylar bıletterdi ózderi satyp alǵan, ıaǵnı qyzmet qunynyń bir bóligi azamattardyń óz qarajaty esebinen tólengen.
«Tıisinshe, biz áýe kompanııalary shyǵyndarynyń bir bóligin ótedik. Buǵan saqtandyrý táýekelderi de kiredi. Sondaı-aq azamattardyń bir bóligin jaǵdaı turaqtyraq bolǵan Dýbaı men oǵan jaqyn elderden jetkizý qajet boldy. Jalpy bul maqsattarǵa shamamen 4 mıllıon dollar jumsaldy», dedi mınıstr.
Eske sala keteıik, Izraıl 28 aqpanda tańerteń Iranǵa soqqy jasady. Dýbaı, Abý-Dabı jáne Ras-el-Haımada júrgen Qazaqstan azamattary reısterdiń toqtatylýyna baılanysty elge qaıta almaı qalǵan edi.
