Foto: Ashyq derekkóz
Jalpyhalyqtyq reıtıngte Qazaqstan Ortalyq Azııa memleketteri arasynda eń úzdik nátıje kórsetip, 69-orynǵa jaıǵasty. Aıta keteıik, bul jahandyq zertteýge álemniń 197 memleketi engen.
Reıtıng ádistemesi 10 negizgi baǵyt pen 50 jeke ındıkatordy tereń taldaýǵa negizdelgen. Olardyń qatarynda mynadaı mańyzdy kórsetkishter bar:
- Memlekettiń ekonomıkalyq áleýeti;
- Basqarý júıesiniń tıimdiligi;
- Ishki jáne syrtqy saıasat;
- Investısııalyq tartymdylyq;
- Innovasııalar men tehnologııalardyń damý deńgeıi jáne basqa da ındıkatorlar.
Qorytyndy baǵa 0-den 100-ge deıingi shkala boıynsha biryńǵaı kórsetkishke biriktirilip shyǵarylǵan, munda 100 ball – eń joǵary nátıje bolyp sanalady.
Qazaqstan álemdegi eń baqytty elder reıtınginde 33-orynǵa kóterildi
TMD elderiniń ishinde Qazaqstan halyqaralyq bedel deńgeıi boıynsha ekinshi oryndy ıelendi. Eldiń qorytyndy kórsetkishi 66,62 baldy qurady.
Reıtıngte Qazaqstannan keıin ornalasqan TMD-ǵa múshe memleketterdiń kórsetkishteri tómendegideı:
- Belarýs – 89-oryn (59,27 ball);
- Armenııa – 93-oryn (57,14 ball);
- Ázerbaıjan – 101-oryn (54,15 ball);
- О́zbekstan – 134-oryn (37,7 ball);
- Qyrǵyzstan – 145-oryn (34,87 ball);
- Tájikstan – 160-oryn (27,92 ball).
Aıta keteıik, bıylǵy jahandyq reıtıngtiń kóshbasshysy – Sıngapýr memleketi boldy.
«Eldiń bedeli endi abstraktili uǵym emes. Bul básekege qabilettilikke, yqpalǵa jáne órkendeýge tikeleı áser etetin ólshenetin ári strategııalyq faktor», dep atap ótti CEOWORLD redaksııalyq alqasy.
Zertteý avtorlarynyń pikirinshe, CEOWORLD-tyń 2026 jylǵy jahandyq bedel ındeksi memleketterdi jaı ǵana reıtıngke qoıyp qoımaı, halyqaralyq yqpal qaǵıdattarynyń qalaı ózgerip jatqanyn da aıqyn kórsetedi.
Qazirgi álemde senim, basqarý sapasy, ınnovasııalyq damý jáne eldiń syrtqy seriktestermen turaqty qarym-qatynas ornata alý qabileti barǵan saıyn mańyzdy bola túsýde. Avtorlardyń aıtýynsha, etıka, ınnovasııa jáne adamǵa baǵdarlanǵan ustanymdy óz boıynda úılestire alǵan memleketter ǵana bolashaqty aıqyndaıtyn bolady.
Eske sala keteıik, buǵan deıin Qazaqstan áskeri álemdik áskerı qýat reıtıngi – Global Firepower 2026 boıynsha 145 eldiń ishinde 58-orynǵa jaıǵasty.
