Foto: Mádenıet jáne aqparat mınıstrligi
Forýmnyń ashylýynda Premer-mınıstrdiń orynbasary – Mádenıet jáne aqparat mınıstri Aıda Balaevanyń quttyqtaý haty oqyldy. Quttyqtaýda mádenıettiń ulttyq biregeılikti nyǵaıtýdaǵy, kreatıvti ındýstrııany damytýdaǵy jáne sala jumysyna ınnovasııalyq tásilderdi engizýdiń mańyzy erekshe ekeni atap ótildi.
«Memleket basshysy Qasym-Jomart Toqaev atap ótkendeı, mádenıet – ulttyń tólqujaty. Búginde mádenıet salasy tek rýhanı qundylyqtardy saqtaýshy ǵana emes, sonymen qatar ınnovasııalar men kreatıvti ındýstrııalardyń qozǵaýshy kúshine aınalyp otyr. Osy rette forým baǵdarlamasynyń sıfrlyq tehnologııalardy, jasandy ıntellekt quraldaryn jáne zamanaýı basqarý tásilderin meńgerýge baǵyttalýy – ýaqyt talabynan týyndaǵan mańyzdy qadam», delingen quttyqtaý hatta.
Forýmnyń ashylýy barysynda Qytaı, Úndistan jáne Germanııadan kelgen halyqaralyq sarapshylar da sóz sóıledi. Olardyń qatarynda Jinbang (Henan) Cultural Tourism Development kompanııasynyń tóraǵasy Mıss Mın, Story Arts Foundation qorynyń negizin qalaýshy Dıpa Kıran, sondaı-aq live entertainment salasyndaǵy halyqaralyq prodıýser ári kreatıvti jetekshi Artem Badalıan bar.
Spıkerler jobalardy júzege asyrý, storıtellıngti damytý, kópshilik aldynda sóıleý jáne aýqymdy shoý baǵdarlamalardy uıymdastyrýdyń mańyzy týraly aıtty.
Forýmnyń basty ereksheligi – dástúrli oqytý úlgisinen naqty jobalar ázirleýge negizdelgen tájirıbelik formatqa kóshý.
Mádenıet salasyndaǵy memlekettik stıpendııa sany eki ese artady
Alǵashqy kúni «Mádenıet pen bıznes: seriktester men brendterge qyzyqty jobalardy qalaı jasaýǵa bolady?» taqyrybynda paneldik sessııa ótkizildi. Sonymen qatar kitaphana, arhıv, mýzeı isi, mádenı-demalys, teatr jáne konsert uıymdaryna arnalǵan jeke seksııalar ótip jatyr. Qatysýshylar úshin is-sharalardy tehnıkalyq qamtamasyz etý, vızýal tehnologııalar, ssenografııa jáne ózge de tájirıbelik baǵyttar boıynsha sheberlik saǵattary uıymdastyryldy.
Forýmnyń ekinshi kúni tájirıbelik jumysqa basymdyq beriledi. Qatysýshylar zamanaýı sıfrlyq quraldarmen tanysyp, fasılıtasııalyq sessııalar arqyly mádenı uıymdarǵa arnalǵan bastamalardy ázirleıdi.
Jıynnyń sońǵy kúninde komandalar óz jobalaryn sarapshylarǵa tanystyryp, keıin óńirlerde júzege asyrylatyn úzdik jobalar anyqtalady.
Merekede jumys isteıtin mádenıet qyzmetkerlerine qosymsha aqy tóleý talap etildi
