Mınıstrdiń sózinshe, Qazaqstanda eńbek etýge ruqsat berilgen 14 pen 18 jas aralyǵyndaǵy jasóspirimderdiń sany 1,7 mıllıonǵa jetedi.
Mınıstrliktiń aqparattyq júıelerindegi derekterge sáıkes, búginde myńdaǵan oqýshy túrli salada eńbek etip júr. Olardyń basym bóligi saýda, qoǵamdyq tamaqtaný, oıyn-saýyq jáne demalys qyzmetteri baǵytynda jumys isteıdi.
Jasóspirimder kóbine kógaldandyrý jumysshysy, kýrer, daıashy, satýshy-keńesshi, aspaz kómekshisi jáne anımator sekildi qyzmetterdi atqarady. Mınıstrdiń aıtýynsha, bul jumystar oqýshylardyń alǵashqy eńbek tájirıbesin qalyptastyrýǵa múmkindik beredi.
Aıta keteıik, Qazaqstan boıynsha bıyl 215 myńnan astam oqýshy mektep bitiredi.
