Foto: istockphoto.com
Aımaqta «TOP-100 izdestirilip jatqan boryshkerler» respýblıkalyq tizbesine engizilgen azamattardy anyqtaý maqsatynda jumys toptary qurylǵan. Búginde tizimge engen alty boryshkerdiń beseýiniń ornalasqan jeri anyqtalǵan. Olardyń tórteýi ákimshilik jaýapkershilikke tartylsa, bir azamat alıment boıynsha bereshegin tolyq ótegen.
«Máselen, 2023 jylǵy jeltoqsanda boryshkerlerdiń birine qatysty 9 mln teńge somasyna alıment óndirip alý týraly atqarýshylyq is qozǵaldy. Sot oryndaýshysy májbúrlep óndirip alý sharalaryn qabyldady. Biraq boryshkerdiń ornalasqan jerin anyqtaý múmkin bolmady. Oblys prokýratýrasy men sot oryndaýshylary birqatar is-sharalardy ótkizgennen keıin ǵana boryshker anyqtalyp, bereshek tolyq kólemde óteldi», delingen habarlamada.
Sot oryndaýshylary endi alıment shottarynan aqsha óndire almaıdy
Qadaǵalaý organynyń málimetinshe, atalǵan sharalar alıment boıynsha bereshekti óndirý isin jeńildete túspek.
Eske sala keteıik, buǵan deıin Batys Qazaqstan oblysynda alıment tólemegen boryshker 6 aıǵa bas bostandyǵynan aıyryldy. Onyń alıment bereshegi 4 mln teńgege jetken.
