Qyrǵyzstannyń jyljymaıtyn múlik naryǵyna qatysty derekterdi Memlekettik kadastr málimetterine súıene otyryp, Qyrǵyzstan Jogorký Keńeshiniń depýtaty Dastan Bekeshov jarııalady.
Onyń aıtýynsha, atalǵan kezeńde shetel azamattary Qyrǵyzstan aýmaǵynan jalpy sany 2408 jyljymaıtyn múlik nysanyn satyp alǵan. Eń belsendi satyp alýshylar qatarynda Reseı azamattary kósh bastap tur – 1238 nysan. Ekinshi orynda Qazaqstan azamattary bolsa, úshinshi orynda Qytaı azamattary ornalasqan. Qytaılyqtar 311 nysan, Túrkııa azamattary 145 nysan, al Germanııa azamattary 56 nysan satyp alǵan.
Depýtattyń málimdeýinshe, bul kórsetkishter Qytaı azamattary Qyrǵyzstannyń jyljymaıtyn múlik naryǵyn jappaı satyp alyp jatyr degen pikirdiń shyndyqqa janaspaıtynyn kórsetedi.
Máselen, 2025 jyly Qytaı azamattary 272 nysan satyp alsa, 2026 jyldyń birinshi toqsanynda taǵy 39 nysan ıelengen. Satyp alynǵan múliktiń jalpy aýmaǵy 32,5 myń sharshy metrdi quraǵan.
Salystyrý úshin, 2025 jyly Qyrǵyzstanda jyljymaıtyn múlikti satyp alý-satý boıynsha 62 myńnan astam mámile tirkelgen. Osylaısha, Qytaı azamattarynyń úlesi jalpy naryqtyń shamamen 0,44 paıyzyna ǵana teń bolǵan.
Sonymen qatar depýtat sheteldikterdiń jyljymaıtyn múlik satyp alýyn baqylaýda ustaý mańyzdy ekenin aıtty. Onyń pikirinshe, ásirese shekara mańyndaǵy jáne strategııalyq mańyzy bar aýmaqtardaǵy nysandarǵa erekshe nazar aýdarý qajet.
Qazaqstanda 37 mlrd teńgeniń benzınin Qyrǵyzstanǵa zańsyz shyǵarý shemasy anyqtaldy
Aıta keteıik, buǵan deıin Qazaqstan azamattarynyń sheteldegi aktıvteri týraly málimet jarııalanǵan bolatyn. Memlekettik kirister komıtetiniń deregine sáıkes, otandastarymyz shetel memleketterinde ornalasqan 10 myńǵa jýyq jyljymaıtyn múlik nysanyn deklarasııalaǵan.
