Foto: Getty images
Iran quramasy mýndıalǵa qatysý quqyǵyn alǵanymen, týrnır aldyndaǵy daıyndyq komanda úshin qıyndyqpen bastaldy. Qazirgi tańda Iran quramasy Meksıkanyń Tıhýana qalasyna ornalasqan. Komanda álem chempıonaty kezinde dál osy jerde bazasyn qurmaq.
Alaıda delegasııa músheleriniń bir bóligi AQSh vızasyn áli ala almady. Irandyq BAQ málimetinshe, AQSh-qa kirýge ruqsat berilmegenderdiń qatarynda Iran fýtbol federasııasynyń prezıdenti men onyń orynbasary da bar. Jalpy sany15 adam.
Fýtbolshylardyń ózderi vıza alǵanymen, federasııa qazir FIFA arqyly qalǵan delegasııa múshelerin álem birinshiligi ótetin elge kirgizýge tyrysyp jatyr.
Fýtboldan álem chempıonaty-2026: Oıyndardyń tolyq kestesi men ýaqyty belgili boldy
Meksıkadaǵy Iran elshisiniń aıtýynsha, komanda AQSh-qa tek match ótetin kúni ǵana ushyp bara alady. Oıyn aıaqtalǵan soń ırandyq fýtbolshylar birden Meksıkaǵa qaıta oralýy tıis. AQSh aýmaǵynda túneýge ruqsat berilmeıdi. Amerıka tarapy mundaı shekteýlerdi qaýipsizdik talaptarymen túsindirip otyr.
Aıta keteıik, Iran quramasy toptyq kezeńdegi barlyq oıyndaryn AQSh-ta ótkizedi. Komanda Los-Andjeleste Jańa Zelandııa jáne Belgııamen kezdesse, Sıetlde Mysyrǵa qarsy oınaıdy.
Eske salaıyq, álem chempıonaty-2026 11 maýsym men 19 shilde aralyǵynda AQSh, Kanada jáne Meksıkada ótedi. Týrnır tarıhynda alǵash ret álem birinshiligine 48 qurama qatysady.
Fýtboldan 2026 jylǵy álem chempıonaty nesimen erekshelenedi?
