Ishki týrızm qarqyn aldy
El ishinde saıahattaǵan azamattardyń sany 3,6%-ǵa artqan. Bul azamattardyń otandyq týrıstik baǵyttarǵa qyzyǵýshylyǵynyń ósip kele jatqanyn kórsetedi. Ishki týrızm óńirlerdegi ekonomıkalyq belsendilikti arttyryp, jańa jumys oryndarynyń ashylýyna yqpal etti.
Talǵat Ǵazızov: Qazaqstanda týrızm salasy turaqty ósim kórsetip otyr
Týrıster eń kóp barǵan óńirler
2026 jyldyń qańtar-naýryz aılarynda kelýshiler sany boıynsha:
- Almaty – 472,9 myń adam;
- Astana – 352,2 myń adam;
- Aqmola oblysy – 161,1 myń adam.
Sonymen qatar barlyq týrısterdiń shamamen 40%-y kýrorttyq aımaqtardy tańdaǵan.
Týrızm ekonomıkaǵa eleýli úles qosty
2025 jyldyń qorytyndysy boıynsha týrızmniń Qazaqstan ekonomıkasyna qosqan úlesi 5 trln teńgege jetip, ishki jalpy ónimdegi úlesi 3,1%-dy qurady. Salada 600 myńnan astam adam jumys isteıdi.
Sheteldik týrısterdiń eldegi shyǵyndary 2,9 mlrd AQSh dollaryn qurasa, týrızmnen túsken salyq kólemi 630 mlrd teńgege jetken.
Investısııalar men ınfraqurylym damyp jatyr
2025 jyly týrızm salasyna tartylǵan ınvestısııalar 1,3 trln teńgeni qurady. Sondaı-aq 96 ınfraqurylymdyq joba iske asyrylyp, memlekettik qoldaý kólemi shamamen 7 mlrd teńgege jetti.
Aıda Balaeva: Almaty Superski taýdaǵy týrızmdi damytýdyń úlgisine aınalýǵa tıis
2026 jyly qabyldanǵan zańnamalyq ózgerister aıasynda:
- týrıstik avtobýstar úshin «jasyl dáliz» engiziledi;
- vızıt-ortalyqtardyń qyzmeti zańmen retteledi;
- gıdter men ekskýrsııa jetekshilerine biryńǵaı talaptar belgilenedi;
- 18 jasqa deıingi balalar úshin ulttyq parkterge kirý tegin bolady.
Eldiń halyqaralyq reıtıngterdegi kórsetkishi jaqsardy
Dúnıejúzilik ekonomıkalyq forýmnyń Travel & Tourism Development Index reıtınginde Qazaqstan:
- 2019 jyly – 80-orynda;
- 2021 jyly – 66-orynda;
- 2024 jyly – 52-orynda boldy.
Iаǵnı bes jyl ishinde el 28 satyǵa kóterilgen.
Alakól men Balqash týrızmi: Memleket basshysy Jetisý oblysynyń ákimine birqatar tapsyrma berdi
Sondaı-aq U.S. News & World Report reıtınginde Qazaqstan 2025 jyly týrızm jáne mádenıet baǵyty boıynsha 73-orynǵa kóterilip, birqatar eldi, sonyń ishinde О́zbekstan, Katar, Vetnamdy artta qaldyrdy.
