Foto: Polisia.kz
Qajetti jabdyqtar men hımııalyq reagentterdi jetkizý, sondaı-aq esirtki daıyndaý prosesi ınternettiń kóleńkeli segmenti arqyly júrgizilgen. Tintý kezinde 28 kılogramnan astam α-PVP, 880 lıtr prekýrsor jáne arnaıy zerthanalyq jabdyqtar tárkilendi.
Tarazda shetel azamatynan iri kólemde esirtki tárkilendi
«Daıyn sıntetıka óndirilgen alǵashqy partııa bolǵan. Onyń kólemi shamamen 125 myń bir rettik dozaǵa teń. Polısııanyń jedel ári kásibı áreketiniń arqasynda bul zattardyń eshqaısysy zańsyz aınalymǵa túsken joq. Osylaısha myńdaǵan adamnyń esirtkige táýeldi bolýyna jol berilmedi. Halyq densaýlyǵyna keler zııan toqtatyldy. Is júzinde óńirdegi krımınogendik ahýalǵa eleýli qaýip tóndiretin «esirtki ortalyǵy» joıyldy. Bul fakt boıynsha Qazaqstan Respýblıkasy Qylmystyq kodeksiniń 297-1-babymen sotqa deıingi tergep-tekserý júrgizilýde. Baptyń sanksııasy ómir boıyna bas bostandyǵynan aıyrý jazasyna deıin kózdeıdi. Ishki ister mınıstrligi esirtki qylmystaryna qarsy kúres memlekettik saıasattyń basym baǵyttarynyń biri ekenin atap ótedi. Esirtki óndirý men ony satýǵa qatysty kez kelgen áreket qatań túrde toqtatylatyn bolady», dedi IIM esirtki qylmysyna qarsy is-qımyl komıteti tóraǵasynyń orynbasary Eldar Ábdikenov.
Aıta keteıik, elordada Baks qyzmettik ıti qalaǵa kireberistegi baqylaý beketteriniń birinde tyıym salynǵan zattardy tasymaldaý deregin anyqtaýǵa jáne onyń jolyn kesýge kómektesti.
