Foto: muftyat.kz
20 jastaǵy qyz ımamnyń kabınetine kirip, syrt kıimniń qaltasynan 36 500 teńge alyp ketken. Keıin onyń áreketi beınebaqylaý kameralaryna túsip qalyp, quqyq qorǵaý organdary kúdiktini tez arada anyqtady.
Sotta ol óz kinásin moıyndap, jábirlenýshiden keshirim surady. Imam oǵan keshirim berip, bas bostandyǵynan aıyrý jazasyn qoldanbaýdy ótingen.
Sot aıyptalýshynyń buryn isti bolmaǵanyn, kishkentaı balasy bar ekenin eskerip, 1,5 jyl shartty jaza taǵaıyndady. Sonymen qatar ol ótemaqy qoryna shamamen 65 myń teńge tóleýge mindetteldi.
Petropavlda páter urysy beınebaqylaýdyń arqasynda qolǵa tústi
Eske sala keteıik, jyl basynda Almaty qalasyna qarasty Alataý aýdandyq polısııa basqarmasynyń qyzmetkerleri meshitterde jasalǵan birqatar urlyq deregin áshkerelegen bolatyn. Kúdikti retinde er adam ustalyp, onyń namaz ýaqytynda uıaly telefon, ámııan jáne ózge de jeke zattardy jasyryn túrde urlaǵany anyqtaldy.
