Foto: Ashyq derekkóz
Kúdikti Z.F. Alekperov esirtki zattary aralastyrylǵan kóknár tuqymdaryn qarapaıym dámdeýish pen azyq-túlik ónimi retinde kórsetip, zańsyz saýda uıymdastyrǵan, oǵan jaqyn týystary da tartylǵan. Olardyń arasynda taýardy jetkizý, saqtaý, býyp-túıý jáne ótkizý mindetteri naqty bólingen.
Esirtki aralasqan ónimder ózge óńirlerden logıstıkalyq kompanııalar arqyly jetkizilip turǵan. Saýdadan túsken aqsha qolma-qol jáne bank aýdarymdary arqyly da qabyldanǵan.
Alekperov qylmystyq tabysqa 2 avtokólik satyp alyp, izin jasyrý úshin olardy basqa adamdardyń atyna rásimdep qoıǵan.
Tintý kezinde esirtki qosylǵan kóknár tuqymdarynyń daıyn partııalary tárkilendi.
Sot úkimimen Alekperov pen onyń eki sybaılasy 7 jylǵa bas bostandyǵynan aıyryldy.
Qylmystyq jolmen kelgen avtokólikter memleket menshigine ótti, al quramynda esirtki zaty bar 321 keli kóknár tolyqtaı joıyldy.
Sot úkimi zańdy kúshine endi.
Buǵan deıin bıylǵy 4 aıdyń ishinde esirtki qylmystary úshin 76 sheteldiktiń ustalǵany týraly jazǵan edik.
