Foto: Khel Now
Kezdesý AQSh-tyń Tehas shtatyndaǵy «Hıýston Stedıým» arenasynda ótedi. Oıyn Astana ýaqytymen saǵat 22:00-ge josparlanǵan.
Bul match qos qurama arasyndaǵy alǵashqy kezdesý bolmaq. Buǵan deıin Portýgalııa men Kongo resmı týrnırlerde de, joldastyq oıyndarda da bir-birine qarsy alańǵa shyqpaǵan.
Portýgalııa quramasy 2026 jylǵy álem chempıonatyna irikteý kezeńinde senimdi oıyn kórsetip, 13 upaımen óz tobynda birinshi oryn aldy.
Al afrıkalyqtar álem chempıonatyna tikeleı irikteý arqyly óte almady. Degenmen komanda qosymsha irikteý týrnıri arqyly joldamaǵa qol jetkizdi. Kongolyqtar Iаmaıkamen kezdesip, qosymsha ýaqytta 1:0 esebimen jeńiske jetti.
Álem birinshiligine daıyndyq barysynda Kongo eki joldastyq match ótkizdi. Aldymen Danııamen 0:0 esebimen teń tússe, keıin Chılıge 2:1 esebimen jol berdi.
Aıta keteıik, 23 maýsym saǵat 22:00-de Portýgalııa quramasy О́zbekstan ulttyq quramasymen kezdesedi. Al 24 maýsym saǵat 07:00-de Kongo Kolýmbııa quramasymen oıyn ótkizedi.
Eske sala keteıik, álem chempıonatynyń matchtaryn «Qazaqstan» jáne «Qazsport» telearnalary tikeleı efırde kórsetedi. Sonymen qatar oıyndar qazaqstan.tv, qazsporttv.kz resmı saıttarynda, «Qazaqstan.tv» mobıldi qosymshasynda jáne «Birge.tv» platformasynda onlaın formatta qoljetimdi bolady.
