Foto: Aqorda
Agenttik basshysy Prezıdentke «Ekonomıkany yryqtandyrý jónindegi sharalar týraly» Jarlyqtyń iske asyrylý barysy jóninde esep berdi.
Marat Omarovtyń sózinshe, Jarlyqty oryndaý aıasynda kvazımemlekettik sektordy qysqartý jáne básekelestikti damytý baǵytynda júıeli jumystar júrgizilip jatyr. Osy maqsatta Jekeshelendirý jónindegi ulttyq keńseniń qatysýymen 2026-2030 jyldarǵa arnalǵan kvazımemlekettik sektor sýbektileri men memlekettik menshik obektilerin ońtaılandyrý jospary bekitilgen. Básekelestik ortaǵa beriletin aktıvterdiń jıyntyq kirisi 3,4 trıllıon teńgege jetken.
Kezdesýde memlekettik satyp alý júıesin reformalaý nátıjeleri de talqylandy. Qabyldanǵan sharalardyń arqasynda bir kózden satyp alý úlesi 39 paıyzdan 24 paıyzǵa deıin tómendegen. Sonyń nátıjesinde jalpy bıýdjettegi básekeli satyp alý kólemi 6,2 trıllıon teńgeden 8,1 trıllıon teńgege deıin ulǵaıǵan.
Prezıdent Alataý qalasyn damytýǵa qatysty birqatar tapsyrma berdi
Sondaı-aq Agenttik tóraǵasy bıznes sýbektileriniń taýar naryqtaryna shyǵýyna kedergi keltiretin tosqaýyldardy joıý, mańyzdy naryqtardaǵy ónimsiz deldaldardy qysqartý jáne sıfrlyq ekonomıkany retteýdiń jańa tásilderin ázirleý boıynsha atqarylyp jatqan jumystar týraly baıandady.
Budan bólek, básekelestikti qorǵaý jáne damytý salasyndaǵy zańnamalyq túzetýlerdiń altynshy paketi tanystyryldy. Zań jobasynda básekelestik saıasattyń tıimdiligin arttyrýǵa, monopolııalanǵan naryqtardaǵy baqylaýdy kúsheıtýge, monopolııaǵa qarsy retteýdi jetildirýge jáne ekonomıkanyń memlekettik sektordaǵy úlesin qysqartýǵa baǵyttalǵan jeti júıeli baǵyt qarastyrylǵan.
Kezdesý sońynda Memleket basshysy Agenttik tóraǵasyna birqatar naqty tapsyrma berdi.
Eske sala keteıik, buǵan deıin Memleket basshysy Ishki ister mınıstri Erjan Sádenovti qabyldady. Mınıstrdiń sózinshe, bes aıdyń qorytyndysy boıynsha tirkelgen qylmys sany byltyrǵy kezeńmen salystyrǵanda 9 paıyzǵa tómendegen.
