Ulttyq sport ulyqtalǵan kún

Oblys ortalyǵyndaǵy ıppodromda ulttyq sport túrlerinen IV oblystyq festıval ótti.  Shara aıasynda sporttyń 12 túri boıynsha jarystar ótkizilip, oblys ortalyǵy jáne barlyq aýdandardan jınalǵan 500-den astam sportshy óner kórsetti. Ippodrom mańyna Aqtóbe qa­lasy men aýdandar kıiz úıler ákelip tikti. Qobda, Qarǵaly aýdandary kıiz úıleriniń ishi-syrtyn jaınatyp qana qoımaı, úı mańyna qolóner sheberleri týyndylaryn, ata-babalarymyz turmysta qoldanǵan buıym­dardy qoıypty. Sondaı-aq, ol óńirimizde sport salasyn damytý, materıal­dyq jaǵynan nyǵaıtý maqsa­tynda jasalyp jatqan ister týraly aıtty. Bir ǵana 2013 jyly oblysymyzdaǵy sport ǵımarattarynyń qatary jańa 47 nysanmen tolyqqan. Qazirgi ýaqytta barlyq sport mektepteri kúrdeli jóndeýden ótken. Osynyń nátıjesinde, dene shynyqtyrýmen jáne sportpen turaqty aınalysatyn turǵyndar úlesi kórsetkishi jóninen oblysymyz respýblıka boıynsha aldyńǵy qatardaǵy bes óńirdiń biri bolyp otyr. Al jaqyn jyldary Aqtóbede Muz saraıyn, jekpe-jek sport túrleri boıynsha Sport saraıyn salý josparlanǵan. Karateshi Rınat Saǵyndyqov, sambodan erler arasynda Álem Kýbogy kezeńiniń jeńimpazy Eset Qýanov, bokstan jasóspirimder arasynda 2015 jylǵy Azııa chempıonatynyń qola júldegeri Rahat Seıitjan, toǵyzqumalaqtan álem chempıonatynyń jeńimpazy Nurbek Qabıev, shahmattan oqý­­shylar arasyndaǵy álem chempıo­­natynyń qola júldegeri Arys­tan­bek Orazaev jáne basqalary bar. Sonymen qatar, Aqtóbedegi ulttyq sport túrleri boıynsha sport mektebi dırektorynyń orynbasary Abat Aımaǵambetov, Baıǵanın aýdandyq balalar jáne jasóspirimder sport mek­tebiniń jattyqtyrýshysy Násir Qaraǵulov, №1 Mártók orta mektebi dene tárbıesi pániniń muǵalimi Sergeı Polegonkolar QR Mádenıet jáne sport mı­nıs­trligi Sport jáne dene shy­nyq­­tyrý isteri komıtetiniń Al­ǵys hatymen marapattaldy. At ústinde kele jatyp 10 sekýnd ýaqyt ishinde jerden bes monetany ilip áketken Álıhan Báshenbaev teńge ilýden birinshi orynǵa ıe boldy. Qyz qýýda Naýryz Qaıyr­ǵa­lıev pen Aqjan Jalma­ǵam­betova juby jeńimpaz atandy. Bes salmaq dárejesi boıynsha otyz­dan astam adam baq synaǵan aýdaryspaqta eń joǵary salmaqta muǵal­jarlyq Meırambek Álıev jeńiske jetti. Kókparda Aqtóbe qalasynyń quramasy birinshi oryndy ıem­dendi. Toǵyzqumalaqta erler arasynda Mádı Ilııasov, al qyzdar arasynda Nazym Qaraǵulqyzy birinshi orynǵa qol jetkizdi. Qazaq kúresinen Shyńǵys Shoq­pytov qarsylas shaq keltir­medi. Satybaldy SÁÝIRBAI, «Egemen Qazaqstan», Indıra О́TEMIS, jýrnalıst. Aqtóbe oblysy.