Petropavlda jas robot qurastyrýshylardyń saıysy ótti

PETROPAVL. 19 mamyr.  Oblys ortalyǵynda «Bolashaq qýaty – Qazaqstannyń qolynda» atty aımaqtyq forýmy aıasynda «Robo-EKSPO» robotty tehnıka saıysy ótip, oǵan Astana, Qostanaı, Taraz, Qaraǵandy, Kókshetaý, Petropavl qalalarynan 11 komanda qatysty. Bul týraly oblystyq bilim basqarmasynyń mamandary habarlady. Forým «EKSPO-2017» halyqaralyq kórmesine arnalyp, eki bólim, toǵyz deńgeı boıynsha ótkizildi.  Jas ónertapqyshtar ár atalym boıynsha ózderiniń biliktilikteri men tapqyrlyqtaryn ortaǵa saldy. Birinshi bólimde óz týyndylaryn buzyp, qaıta qurastyrýdan saıyssa, ekinshi bólimde olardyń jyldam basyp, sóre syzyǵyna jetýlerinen baq synady. «Robotty tehnıka qazaqstandyq IT tehnologııa salasyndaǵy tehnologııalyq damýdyń basym baǵyttarynyń biri jáne keleshegi óte zor.bar. Bul sala qazir úlken suranysqa ıe. Robotty tehnıkaǵa degen oqýshylardyń belsendiligi maǵan keremet áser etti. Olardy jastaıynan osylaı daǵdylandyryp, shynyqtyrsa, erteń óndiriske talaı jańalyqtardy engizerine daý joq», deıdi halyqaralyq deńgeıdegi robotty tehnıka bapkeri Pet Naıdý. Ol Qostanaı qalasyndaǵy Nazarbaev zııatkerlik mektebinde jumys isteıdi. Buǵan deıin Birikken Arab Ámirlikterinde robot tehnıkasymen aınalysqan. Endi bul salany Qazaqstanda damytýǵa óz úlesin qosyp keledi. «Robo Expo» festıvaliniń jeńimpazdary qyrkúıekte ótetin respýblıkalyq konkýrsqa joldama aldy. О́mir Esqalı. Derek: Soltústik Qazaqstan oblystyq bilim basqarmasy. Sýret: egemen.kz