Berdibek Saparbaev Túrkistanda halyqaralyq konferensııaǵa qatysty

ShYMKENT. 20 mamyr. Búgin Premer-Mınıstrdiń orynbasary Berdibek Saparbaev Ońtústik Qazaqstanǵa sapary barysynda Túrkistanda Qazaq handyǵynyń 550 jyldyǵy taqyrybyndaǵy halyqaralyq konferensııanyń jumysyna qatysty. Bul týraly Premer-Mınıstrdiń baspasóz qyzmetine silteme jasap, egemen.kz tilshisi habarlady. Iаssaýı atyndaǵy halyqaralyq qazaq-túrik ýnıversıtetinde ótken «Qazaq memlekettiligi tarıhyndaǵy Qazaq handyǵynyń róli men mańyzy» atty ǵylymı-teorııalyq konferensııada vıse-premer Memleket basshysynyń qatysýshylarǵa joldaǵan quttyqtaý sózin oqyp berdi. «Memleket tarıhyndaǵy aıtýly kezeń – Qazaq handyǵynyń 550- jyldyǵy Otanymyzdyń túkpir-túkpirinde atap ótiledi. Qazaq handyǵynyń qalyptasýyna arnalǵan ǵylymı is-sharalar memleket shekarasynan asyp, shetelderde de ótkizilýde», – dep jazylǵan quttyqtaý sózde. Sonymen qatar, Elbasynyń quttyqtaýynda: «Sońǵy birneshe jylda respýblıkada «Tarıh aǵynyndaǵy halyq» memlekettik baǵdarlamasynyń arqasynda Qazaq handyǵyn jan-jaqty zertteý boıynsha jumys júrgizildi. Onyń ishinde Qazaq handyǵynyń qurylýynan bastaý alyp, «Máńgilik el» ıdeıasynyń negizi bolǵan memlekettilik ıdeıalar zertteldi. Osynyń bári qazirgi jáne bolashaq urpaqtyń júrekterinde qazaqstandyq patrıottyqtyń, Otanǵa degen súıispenshiliktiń paıda bolýyna dálel bolyp tabylady. Búgingi tańda Túrkistan ultymyzdyń maqtanyshyna, ata-babalarymyzdyń rýhynyń qasıetti mekenine aınaldy. Oǵan qosa, bul ejelgi qala barlyq zamanaýı túrki áleminiń halyqaralyq ǵylymı ortalyǵy, atap aıtqanda, qazaq halqynyń tarıhyn, onyń salt-dástúrin zertteıtin ǵylymı ortalyq sanalady», – delingen. О́z sózinde Berdibek Saparbaev Prezıdent saıasatynyń arqasynda Qazaqstan erkin jáne egemendi memleketke, álemdik qaýymdastyqtyń tolyqqandy múshesine aınalǵanyna erekshe nazar aýdardy. «Osy turǵyda Qazaq handyǵynyń 550 jyldyǵyn merekeleý, Elbasy aıtqandaı, bul tarıhı sabaqtastyqtyń, bir shańyraqtyń astynda kelisim men beıbitshilikte turyp jatqan barlyq qazaqstandyqtardyń birliginiń kórinisi», – dep atap ótti vıse-premer. Konferensııaǵa Túrkııa, Iran, Ázerbaıjan, Ońtústik Koreıa, Reseı, О́zbekstan, Qyrǵyzstan jáne Qazaqstannyń ǵylymı qoǵamdastyǵynyń 600-den astam ókili qatysty. Baqtııar Taıjan. Derek: egemen.kz. Sýret: inform.kz.