Qazaqstan Respýblıkasynyń Zańy № 335

“Qazaqstan Respýblıkasynyń halyqaralyq sharttary týraly” Qazaqstan Respýblıkasynyń Zańyna ózgerister men tolyqtyrýlar engizý týraly 1-bap. “Qazaqstan Respýblıkasynyń halyqaralyq sharttary týraly” 2005 jylǵy 30 mamyrdaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2005 j., № 10, 35-qujat; 2007 j., № 4, 34-qujat) mynadaı ózgerister men tolyqtyrýlar engizilsin: 1) 1-bap mynadaı redaksııada jazylsyn: “1-bap. Osy Zańda paıdalanylatyn negizgi uǵymdar Osy Zańda mynadaı negizgi uǵymdar paıdalanylady: 1) dáıekteý – kelissózderge qatysýshy árbir taraptyń ókiletti ókilderiniń halyqaralyq shart mátinimen kelisý belgisi retinde kelisilgen halyqaralyq sharttyń jobasyna nemese onyń jekelegen normalaryna aty-jónderimen aldyn ala qol qoıýy ne halyqaralyq shart mátininiń teń túpnusqalyǵyn anyqtaý tásilderiniń biri; 2) depozıtarıı – halyqaralyq sharttyń túpnusqasy saqtalýǵa tapsyrylatyn jáne osy halyqaralyq shartqa qatysty halyqaralyq quqyq normalarynda kózdelgen fýnksııalardy oryndaıtyn memleket, halyqaralyq uıym nemese onyń basty atqarýshy laýazymdy adamy; 3) eskertpe – kópjaqty halyqaralyq shartqa qol qoıý, ony ratıfıkasııalaý, bekitý, qabyldaý nemese oǵan qosylý kezinde memleket nemese halyqaralyq uıym kez kelgen tujyrymmen jáne kez kelgen ataýmen birjaqty jasaǵan málimdeme, bul málimdeme arqyly osy memleket nemese osy halyqaralyq uıym halyqaralyq sharttyń belgili bir erejeleriniń zańdyq kúshin olardyń atalǵan memleketke nemese atalǵan halyqaralyq uıymǵa qoldanylýyna qatysty joıýdy nemese ózgertýdi qalaıdy; 4) kelissózderge qatysýshy tarap – halyqaralyq shart mátinin jasaýǵa nemese qabyldaýǵa qatysqan memleket nemese halyqaralyq uıym; 5) kúshin joıý – Qazaqstan Respýblıkasynyń ózi jasasqan halyqaralyq sharttan tıisinshe resimdep bas tartýy jáne Qazaqstan Respýblıkasy halyqaralyq shartynyń qoldanylýyn toqtatý tásilderiniń biri; 6) Qazaqstan Respýblıkasynyń halyqaralyq sharty – Qazaqstan Respýblıkasy shet memleketpen (shet memlekettermen) nemese halyqaralyq uıymmen (halyqaralyq uıymdarmen) jazbasha nysanda jasasqan jáne mundaı kelisimniń bir qujatta nemese ózara baılanysty birneshe qujattarda ekendigine qaramastan, sondaı-aq onyń naqty ataýyna qaramastan halyqaralyq quqyqpen retteletin halyqaralyq kelisim; 7) Qazaqstan Respýblıkasy halyqaralyq sharttarynyń memlekettik tizilimi – halyqaralyq sharttardyń túpnusqalary men depozıtarıı resmı kýálandyrǵan kóshirmelerin, olardyń derektemelerin jáne Syrtqy ister mınıstrligi aıqyndaıtyn olar týraly aqparattyq-anyqtamalyq sıpattaǵy basqa da málimetterdi qamtıtyn Qazaqstan Respýblıkasynyń halyqaralyq sharttaryn tirkeýdiń, esepke alýdyń jáne saqtaýdyń biryńǵaı memlekettik júıesi; 8) qol qoıý – halyqaralyq shartty jasasý satysy nemese eger halyqaralyq shartta qol qoıýdyń osyndaı kúshi bar ekendigi kózdelgen nemese Qazaqstan Respýblıkasy men kelissózderge qatysýshy basqa da taraptardyń qol qoıýdyń osyndaı kúshke ıe bolýǵa tıis ekendigi týraly ýaǵdalastyǵy ózge de jolmen belgilengen nemese Qazaqstan Respýblıkasynyń qol qoıýǵa osyndaı kúsh berý nıeti onyń ókiliniń ókilettiginen týyndaǵan jáne (nemese) kelissózder kezinde bildirilgen jaǵdaıda, halyqaralyq sharttyń ózi úshin mindettiligine Qazaqstan Respýblıkasynyń kelisim bildirý tásili; 9) memleketishilik rásimder – halyqaralyq shartty Qazaqstan Respýblıkasy Parlamentiniń ratıfıkasııalaýy, Qazaqstan Respýblıkasy Prezıdentiniń ne Qazaqstan Respýblıkasy Úkimetiniń bekitýi nemese qabyldaýy; 10) ókilettik – halyqaralyq sharttyń mátinin qabyldaý nemese onyń teń túpnusqalyǵyn belgileý; halyqaralyq shartqa qol qoıý; Qazaqstan Respýblıkasynyń ózi úshin halyqaralyq sharttyń mindettiligine kelisimin bildirý; shartqa qatysty ózge de akt jasaý maqsatynda Qazaqstan Respýblıkasynyń laýazymdy adamdarynyń nemese quzyretti organynyń sheshimderi negizinde júzege asyrylatyn jáne kelissózderge qatysýshy tarapqa ne depozıtarııge tapsyrylatyn ókilettilik sertıfıkatymen tıisinshe resimdelgen bir adamnyń nemese birneshe adamnyń Qazaqstan Respýblıkasy atynan ókildik etý quqyǵy; 11) ratıfıkasııalaý, bekitý, qabyldaý jáne qosylý – jaǵdaıǵa baılanysty osyndaı ataýy bar, tıisti normatıvtik quqyqtyq akt negizinde jasalatyn halyqaralyq akt, ol arqyly Qazaqstan Respýblıkasy halyqaralyq sharttyń ózi úshin mindettiligine halyqaralyq turǵydan óziniń kelisimin bildiredi; 12) ýaǵdalasýshy tarap – halyqaralyq sharttyń kúshine engenine nemese enbegenine qaramastan halyqaralyq sharttyń ózderi úshin mindetti ekendigine kelisken memleket nemese halyqaralyq uıym; 13) halyqaralyq uıym – memleketaralyq nemese úkimetaralyq uıym; 14) halyqaralyq shart jasasý – Qazaqstan Respýblıkasynyń ózi úshin halyqaralyq sharttyń mindetti ekendigine kelisim bildirýi; 15) halyqaralyq sharttyń teń túpnusqa mátini – kelissózderge qatysýshy taraptar nemese ýaǵdalasýshy taraptar túpnusqa (túpkilikti nusqa) retinde qaraıtyn halyqaralyq shart mátini nemese eger ol shartta kózdelse nemese bul jóninde oǵan qatysýshylar kelisse, ártúrli tilderde jasalǵan mátinderdiń arasynda alshaqtyq bolǵan jaǵdaıda basymdyqqa ıe mátin.”; 2) 2-baptyń 3) tarmaqshasyndaǵy “atynan” degen sózden keıin “Qazaqstan Respýblıkasynyń zańnamasynda aıqyndalǵan óz quzyreti sheginde” degen sózdermen tolyqtyrylsyn; 3) 3-baptyń 2-tarmaǵy ekinshi bóliginiń 2) tarmaqshasyndaǵy “olardyń kúshine enýi men oryndalýyna” degen sózder “olardy jasasýǵa, kúshine enýine, oryndaýǵa, ózgertýge, olardyń toqtatyla turýyna jáne toqtatylýyna” degen sózdermen aýystyrylsyn;”; 4) 4-bap mynadaı redaksııada jazylsyn: “4-bap. Qazaqstan Respýblıkasy qatysýshy bolýǵa nıettenetin halyqaralyq sharttarǵa, sondaı-aq halyqaralyq sharttardyń jobalaryna ǵylymı saraptama 1. Qazaqstan Respýblıkasy qatysýshy bolýǵa nıettenetin halyqaralyq sharttar boıynsha, sondaı-aq halyqaralyq sharttardyń jobalary boıynsha osy sharttarmen retteletin quqyq qatynastaryna qaraı ǵylymı (quqyqtyq, ekologııalyq, qarjylyq jáne basqa da) saraptama júrgizilýi múmkin. Mindetti ǵylymı saraptama ratıfıkasııalaýǵa jatatyn: halyqaralyq sharttardyń jobalary boıynsha – olarǵa qol qoıylǵanǵa deıin; Qazaqstan Respýblıkasy qatysýshy bolýǵa nıettenetin halyqaralyq sharttar boıynsha – olardy ratıfıkasııalaý nemese olarǵa ratıfıkasııalaý jolymen qosylý týraly sheshim qabyldanǵanǵa deıin júrgiziledi. Qazaqstan Respýblıkasy qatysýshy bolýǵa nıettenetin halyqaralyq sharttar, sondaı-aq halyqaralyq sharttardyń jobalary boıynsha ǵylymı saraptama júrgizý qaǵıdasyn Qazaqstan Respýblıkasynyń Úkimeti aıqyndaıdy. 2. Ǵylymı saraptamany Qazaqstan Respýblıkasy qatysýshy bolýǵa nıettenetin halyqaralyq sharttyń jobasyn ázirleýge qatysqan nemese halyqaralyq shartty jasasýǵa bastamashy bolǵan adamdardy qospaǵanda, ǵylymı uıymdar jáne (nemese) tıisti beıindegi joǵary oqý oryndary, qaralatyn halyqaralyq sharttyń nemese halyqaralyq shart jobasynyń mazmunyna qaraı ǵalymdar men mamandar arasynan tartylǵan, onyń ishinde sheteldik bir nemese birneshe sarapshy (saraptama komıssııasy) júrgizedi. 3. Ǵylymı saraptama: 1)                     Qazaqstan Respýblıkasy qatysýshy bolýǵa nıettenetin halyqaralyq sharttyń nemese halyqaralyq shart jobasynyń sapasyn, negizdiligin, ýaqtylylyǵyn jáne oǵan qatysýdyń zańdylyǵyn baǵalaý; 2) Qazaqstan Respýblıkasy qatysýshy bolýǵa nıettenetin halyqaralyq shartta nemese halyqaralyq sharttyń jobasynda adamnyń jáne azamattyń Qazaqstan Respýblıkasynyń Konstıtýsııasynda kepildik berilgen quqyqtary men bostandyqtaryn saqtaý; 3) Qazaqstan Respýblıkasy qatysýshy bolýǵa nıettenetin halyqaralyq sharttyń, sondaı-aq halyqaralyq shart jobasynyń yqtımal tıimdiligin aıqyndaý; 4) halyqaralyq shart jasasýdyń yqtımal teris saldaryn anyqtaý; 5) Qazaqstan Respýblıkasy zańnamasynyń Qazaqstan Respýblıkasy qatysýshy bolýǵa nıettenetin halyqaralyq shartqa nemese halyqaralyq sharttyń jobasyna sáıkestigin baǵalaý maqsatynda júrgiziledi. 4. Qazaqstan Respýblıkasy qatysýshy bolýǵa nıettenetin halyqaralyq sharttar boıynsha, sondaı-aq halyqaralyq sharttardyń jobalary boıynsha ǵylymı saraptama júrgizý týraly sheshim: 1) Qazaqstan Respýblıkasy Prezıdentiniń, Qazaqstan Respýblıkasy Prezıdenti Ákimshiligi Basshysynyń, Qazaqstan Respýblıkasy Premer-Mınıstriniń, Qazaqstan Respýblıkasy Premer-Mınıstri Keńsesi Basshysynyń tapsyrmasy negizinde; 2) Qazaqstan Respýblıkasy Parlamenti depýtattarynyń bastamasy boıynsha; 3) halyqaralyq shart jasasý týraly usynys bergen ortalyq memlekettik organnyń bastamasy boıynsha, sondaı-aq halyqaralyq sharttyń nemese halyqaralyq shart jobasynyń kelisilýin júzege asyratyn basqa da ortalyq memlekettik organdardyń usynystary boıynsha qabyldanýy múmkin.”; 5) 5-bapta: 1-tarmaqtyń 1) jáne 2) tarmaqshalary mynadaı redaksııada jazylsyn: “1) Qazaqstan Respýblıkasynyń Prezıdentine – halyqaralyq sharttarǵa qol qoıylatyn kúnge deıin kúntizbelik on tórt kúnnen keshiktirmeı Qazaqstan Respýblıkasynyń atynan olarǵa qol qoıý, olardy ratıfıkasııalaý, bekitý, qabyldaý týraly jáne olarǵa qosylý týraly, onyń ishinde qol qoıý týraly usynystar; 2) Qazaqstan Respýblıkasynyń Úkimetine - halyqaralyq sharttarǵa qol qoıylatyn kúnge deıin kúntizbelik on tórt kúnnen keshiktirmeı Qazaqstan Respýblıkasynyń Úkimeti atynan olarǵa qol qoıý, olardy ratıfıkasııalaý, bekitý, qabyldaý týraly jáne olarǵa qosylý týraly, onyń ishinde qol qoıý týraly usynystar beredi.”; 2-tarmaq mynadaı redaksııada jazylsyn: “2. Qazaqstan Respýblıkasynyń ortalyq atqarýshy organdary óz quzyretiniń máseleleri boıynsha Qazaqstan Respýblıkasynyń Úkimeti atynan halyqaralyq sharttarǵa qol qoıý, olardy ratıfıkasııalaý, bekitý, qabyldaý týraly jáne olarǵa qosylý týraly, onyń ishinde Qazaqstan Respýblıkasy Úkimetiniń atynan qol qoıý týraly - olarǵa qol qoıylatyn kúnge deıin kúntizbelik on tórt kúnnen keshiktirmeı, Qazaqstan Respýblıkasynyń atynan olarǵa qol qoıylatyn kúnge deıin kúntizbelik otyz kúnnen keshiktirmeı Qazaqstan Respýblıkasynyń Úkimetine usynystar beredi.”; 3-tarmaq “halyqaralyq sharttarǵa” degen sózderden keıin “qol qoıylatyn kúnge deıin kúntizbelik on tórt kúnnen keshiktirmeı olarǵa” degen sózdermen, “qosylý týraly” degen sózderden keıin “, onyń ishinde qol qoıý týraly” degen sózdermen tolyqtyrylsyn; 6-tarmaqta: 6) tarmaqsha mynadaı redaksııada jazylsyn: “6) shartty jasasý tásiline qaraı - qazaq jáne orys tilderindegi, sondaı-aq basqa da jasasý tilderindegi halyqaralyq sharttardyń jobalary;”; mynadaı mazmundaǵy 6-1) jáne 6-2) tarmaqshalarmen tolyqtyrylsyn: “6-1) halyqaralyq sharttardyń jasalý tilderinde Qazaqstan Respýblıkasynyń Syrtqy ister mınıstrligi resmı kýálandyrǵan olardyń (depozıtarıı resmı kýálandyrǵan halyqaralyq sharttardyń) kóshirmeleri; 6-2) halyqaralyq sharttardyń jasalýyna jaýapty Qazaqstan Respýblıkasynyń ortalyq memlekettik organy resmı kýálandyrǵan olardyń qazaq jáne orys tilderine, eger olar jasalý tili bolyp tabylmaǵan jaǵdaıda, aýdarmalary;”; mynadaı mazmundaǵy 7-tarmaqpen tolyqtyrylsyn: “7. Halyqaralyq sharttardyń teń túpnusqa mátinderiniń birine qazaq jáne orys tilderindegi aýdarmalarynyń sáıkes bolýyn ony jasaýǵa jaýapty Qazaqstan Respýblıkasynyń ortalyq memlekettik organy qamtamasyz etedi.”; 6) 6-bapta: taqyrybyndaǵy “Halyqaralyq sharttardy jasasý máseleleri boıynsha shet memlekettermen” degen sózder “Shet memlekettermen” degen sózdermen aýystyrylsyn; “jasasý” degen sózden keıin “, olardyń kúshine enýi, olardy oryndaý, ózgertý, toqtata turý jáne toqtatý” degen sózdermen tolyqtyrylsyn; 7) 7-bap mynadaı mazmundaǵy 3-tarmaqpen tolyqtyrylsyn: “3. Halyqaralyq sharttarǵa ózgerister men tolyqtyrýlar olar jasalǵan tilderde resimdeledi.”; 8) 20-bapta: 4-tarmaq mynadaı redaksııada jazylsyn: “4. Qazaqstan Respýblıkasynyń ortalyq memlekettik organdary óz quzyreti sheginde halyqaralyq sharttardan týyndaıtyn Qazaqstan Respýblıkasy mindettemeleriniń oryndalýyn jáne quqyqtarynyń júzege asyrylýyn qamtamasyz etedi, sondaı-aq halyqaralyq sharttarǵa basqa da qatysýshylardyń óz mindettemelerin oryndaýyn qadaǵalaıdy.”; mynadaı mazmundaǵy 6-tarmaqpen tolyqtyrylsyn: “6. Qazaqstan Respýblıkasy halyqaralyq sharttarynyń oryndalýyn qamtamasyz etý monıtorıngi Qazaqstan Respýblıkasynyń Úkimeti aıqyndaıtyn tártippen júzege asyrylady.”; 9) 22-baptyń 1-tarmaǵy mynadaı redaksııada jazylsyn: “1. Qazaqstan Respýblıkasynyń múddeli ortalyq memlekettik organdary halyqaralyq sharttardy ratıfıkasııalaý týraly usynys engizý kezinde Qazaqstan Respýblıkasynyń zańnamasyna ózgerister men tolyqtyrýlar engizý týraly usynysty Qazaqstan Respýblıkasynyń Úkimeti aıqyndaıtyn tártippen Qazaqstan Respýblıkasynyń Úkimetine engizedi.”; 10) 24-baptyń 3-tarmaǵynyń mátini boıynsha “memlekettik” degen sóz “qazaq” degen sózben aýystyrylsyn; 11) 25-bapta: 1-tarmaq mynadaı mazmundaǵy ekinshi bólikpen tolyqtyrylsyn: “Qazaqstan Respýblıkasy halyqaralyq sharttarynyń memlekettik tizilimin júrgizý Qazaqstan Respýblıkasynyń Úkimeti aıqyndaıtyn tártippen júzege asyrylady.”; 3-tarmaqta: “túpnusqalary nemese resmı kýálandyrylǵan” degen sózder “túpnusqalary nemese depozıtarıı resmı kýálandyrǵan” degen sózdermen aýystyrylsyn; “osy halyqaralyq sharttardyń kóshirmelerin” degen sózder “Qazaqstan Respýblıkasynyń Syrtqy ister mınıstrligi resmı kýálandyrǵan halyqaralyq sharttardyń kóshirmelerin (depozıtarıı resmı kýálandyrǵan halyqaralyq sharttardyń kóshirmeleri negizinde) olardy jasasqan tilderde” degen sózdermen aýystyrylsyn; 12) 29-bap mynadaı mazmundaǵy 5-tarmaqpen tolyqtyrylsyn: “5. Qazaqstan Respýblıkasynyń ortalyq memlekettik organdary óz quzyretiniń máseleleri boıynsha ózderiniń atynan jasalǵan, Qazaqstan Respýblıkasynyń múddeli ortalyq memlekettik organdarymen jáne Qazaqstan Respýblıkasy Ádilet mınıstrligimen kelisilgen halyqaralyq sharttardyń qoldanysyn toqtata turý nemese kúshin joıý týraly usynystardy Qazaqstan Respýblıkasy Syrtqy ister mınıstrligine tabys etedi. Qazaqstan Respýblıkasy Syrtqy ister mınıstrligi Qazaqstan Respýblıkasynyń ortalyq memlekettik organdary atynan jasalǵan halyqaralyq sharttardyń qoldanysyn toqtata turý nemese kúshin joıý týraly usynystardy qaraıdy jáne olar boıynsha qoldanysyn toqtata turýdyń nemese kúshin joıýdyń syrtqy saıası oryndylyǵy týraly qorytyndylar beredi.”; 13) 30-baptyń 2-tarmaǵynyń birinshi abzasynda: “nemese” degen sózden keıin “olardyń” degen sózben tolyqtyrylsyn; “Qazaqstan Respýblıkasynyń bekitilgen, qabyldanǵan halyqaralyq sharttarynyń” degen sózder alyp tastalsyn. 2-bap. Osy Zań alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2010 jylǵy shildeniń 15-i. № 335-IV QRZ