Shyǵysta «OSKEMEN EXPO -2015» kórmesi bastaldy

О́SKEMEN. 21 mamyr. Shyǵys Qazaqstan oblysynda «О́skemen EKSPO-2015» kórmesi bastaldy. Bul týraly egemen.kz tilshisi habarlady. Atalǵan kórme 10 shet memleketten kelgen meımandarǵa Qazaqstannyń energııanyń balamaly kózderi men resýrstardy únemdeýdegi ǵylymı-tehnıkalyq jetistikteri men áleýetin kórsetedi. Baıqaý qortyndysy boıynsha úzdik joba Astana qalasynda ótetin «EKSPO-2017» halyqaralyq kórmesine qatysatyn bolady. Bıyl ekinshi márte uıymdastyrylyp otyrǵan halyqaralyq kórmege Reseı, Ulybrıtanııa, Qytaı, OAR, AQSh, Japonııa, Koreıa, Polsha elderiniń jetekshi ǵalymdary qatysyp, qazaqstandyq ónertapqyshtardyń ıdeıalarymen tanysady. Olardyń arasynda О́skemen, Semeı, Atyraý, Pavlodar, Qyzylorda jáne Qaraǵandy qalalarynan kelgen ǵylym doktorlary men kandıdattary, ónertapqysh ǵalymdar, stýdentter bar. «Keleshektiń energııasy» jobalar baıqaýynyń bıylǵy ereksheligi –«OSKEMEN EXPO Junior-2015» atty kolledj stýdentteri men oqýshylar seksııasynyń ashylýy deýge bolady. Olar kórmede óz jumystaryn kórsetip qana qoımaı, «jasyl» tehnologııa salasyndaǵy bilimderin jetildirip, ýaqyttaryn tıimdi paıdalanýdy úırenetin bolady. Shyǵys Qazaqstan elimizde ınnovasııalyq damý jaǵynan jetekshi óńirlerdiń birine sanalady. Sońǵy úsh jylda oblys kóleminde atalǵan saladaǵy belsendi kásiporyndardyń sany 100-den asyp, bir jarym esege ósti. «Keleshektiń energııasy» baıqaýyna 4 atalym boıynsha 44 ótinish qabyldandy. Atap aıtqanda, usynylǵan jobalar «Dástúrli energetıkadaǵy taza tehnologııalar», «Taý-ken jáne metallýrgııalyq saladaǵy «Jasyl» tehnologııalar», «О́ńirdegi týrızmniń turaqty damýy. Ekotýrızm» jáne «Junior – 2015» atalymdary boıynsha synǵa túsedi. Dýman Anash. Derek, sýret: egemen.kz.