Júk betinde – tamaq, astynda – araq...

Adamnan qýlyq artylǵan ba? О́tken aptada Qordaı aýdanyndaǵy «Otar» keden beketinde «KamAZ» kóligi toqtatylyp, qujattaryn teksergende onda tıelgen júk – makaron, ósimdik maıy dep kór­setilgen eken. Alaıda, teksere kelgende kólikten jalpy sal­maǵy 20-30 tonnany quraıtyn sısternalar tabyldy. Qyrǵyz elinen ákele jatqan bul ydystarǵa alkogoldi ónimder quıylǵan. Al, «Aýqatty» beketinde toqtatyl­ǵan «Lada-21705» kóligine tıel­gen júktiń quja­­­­tyna basqa dúnıe­ler jazylǵan da, teksere kel­­gende sýyq qarýǵa uqsaıtyn zat tabyl­ǵan. Sondaı-aq, maýsym aıynyń sońǵy kúnde­rinde «Qordaı», «Otar» beketterinen ótpek bolǵan «Mazda MVP» jáne «Volvo Fh 12» kó­lik­teriniń ıeleri halyq tuty­natyn taýar­lardy, araq ónimderin zańsyz alyp ótpekke táýekel etipti. Bular da jalǵan qujat jasaǵan. «Volvo 380» júk kóliginiń júrgizýshisi T.Begmetov «Aısha bıbi» keden beketi arqyly 24 dana plastmassa bóshkelerdi jasyryp alyp ótpek bolǵan kezde ustaldy. Ár bóshkege 1000 lıtr spırt quıylǵan. Al, dál osy kúnderi «Otar» keden beketinde júk artqan «Mersedes sprınter» kóligi jol qyzmetkerleriniń: «Toqta!» degen buıryǵyn elemesten qashyp ketken. – Maýsym aıynyń basynda Qarjy mı­nıstrligi memlekettik Kiris­ter komıteti ımport­­talǵan taýar­­lar boıynsha salyqtar men keden­­dik tólemderdi tóleýdi ákim­shilik­­ten­dirýdi kúsheı­tý­ maqsatynda baqy­­laý-pro­fı­lak­tıkalyq is-sharalar jospa­ryn ázir­legen. Osyǵan sáıkes, Jambyl oblysy boıyn­­sha mem­lekettik kirister departa­men­ti­­niń is-shara­lar jospary bekitildi. Mine, bul is-jos­­parlar alǵashqy kúnnen-aq óz ná­tıje­sin berýde, deıdi bul jóninde Jambyl ob­ly­sy boıynsha memlekettik kirister de­par­­tamen­tiniń basqarma basshysy Ádilbek Álishev. Oralhan DÁÝIT, «Egemen Qazaqstan». Jambyl oblysy.