Reseıde ótken 7-shi TMD áskerleri spartakıadasynda Qazaqstannyń áskerı-sportshylary komandalyq esepte ekinshi orynǵa shyǵyp, óte jaqsy nátıje kórsetti.
Sank-Peterbýrgte shildeniń 24-i men tamyzdyń 1-i aralyǵynda TMD memleketteriniń dostastyq áskerleriniń dástúrli saıysy bıyl Jeńistiń 65 jyldyǵyna arnaldy. Qazaqstan tarapynan 38 sportshy qatysqan dodaǵa jalpy sporttyń 6 túri qamtylsa, bizdiń qurama solardyń beseýine, ıaǵnı erkin kúres, kópsaıys, sýǵa júzý, nysana kózdeý jáne gir tasyn kóterýden baq synasty.
– Bizdiń áskerıler óte jaqsy nátıjege qol jetkizdi, – deıdi Qorǵanys mınıstrliginiń ÁOSK sport komıtetiniń bastyǵy, polkovnık Erlan Talasbaev. – Jigitterimizdiń Reseı, Ýkraına sııaqty áleýeti óte kúshti komandalar arasynda ekinshi orynǵa shyǵýyn úlken jeńis dep baǵalaımyz. Ásirese, bizdiń qorjynymyzǵa qomaqty júlde salǵan sýǵa júzýshilerdiń tabysyn atap ótkim keledi. Olar jalpy sany 7 altyn, 2 kúmis, 3 qola medal jeńip, komandalyq esepte top jardy. Máselen, kishi serjant S.Kýzmın – 4, aǵa serjant S.Osınskıı – 3 altyn medaldan alqa taqty.
Baıraqty básekeniń qorytyndysy boıynsha Qazaqstan quramasy 11 altyn, 9 kúmis, 5 qola júldeni oljalap, jalpy esepte Reseıden keıin 2-shi orynǵa shyqty. Al Ýkraına 3-shi, Belarýs – 4-shi, Armenııa 5-shi bolsa, Tájikstanǵa sońǵy oryn buıyrypty.
Sport ta Qazaqstannyń halyqaralyq bedel-abyroıyna qyzmet jasaıtyn sharanyń biri. Osy oraıda qazaqstandyq áskerı sportshylardyń tabysy jóninde Qorǵanys mınıstrliginiń ÁOSK sport komıtetiniń bastyǵy, polkovnık Erlan Talasbaevpen áńgimeleskenimizde ol bizge bylaı dedi:
– Jalpy alǵanda bizdiń qarsylastarymyz da ońaı komandalar emes. Máselen, kúresten armıandar, nysana kózdeýden Reseı jaqsy komanda daıyndaǵan. Árıne, óz elińde, óz alańyńda olardyń áleýeti men múmkindikteri moldaý boldy. Sýǵa júzýden de reseılikter men ýkraındyqtar myqty komanda jasaqtaǵanyn aıta ketýimiz kerek.
Sonymen birge onyń aıtýynsha, mundaı jaqsy kórsetkishterdi baǵyndyrýymyz Qorǵanys mınıstrliginiń áskerı sportty damytýǵa degen baısaldy qoldaý kórsetýiniń nátıjesi. Sondaı-aq, Qorǵanys mınıstriniń sarbazdarǵa qashanda kóńil bólip, osyndaı dodaly jarystarǵa daıyndalýǵa jetkilikti jaǵdaıda qarjylaı kómestesýinde. Eger mundaı halyqaralyq saıystarǵa qatysýymyzǵa basshylyqtyń kózqarasy ońdy bolmaǵanda, joǵarydaǵydaı asý alynbaǵan bolar edi.
Jalpy, komandalyq esepte ekinshi oryn ıelenýimizdi ol sportshylardy tańdaýda úlken jumys júrgizilýimen, ekinshiden, mınıstrliktiń qoldaý kórsetýimen bir jarym aı boıy óz bazamyzda óte joǵary deńgeıde jattyqtyrý sıkli ótkizilgenimen, al úshinshiden, jigitterdiń komandalyq rýhymen baılanystyrýda. “Bizde bóten sportshy bolmady. Bári áskerı qyzmetkerler, birin biri jaqsy biledi. Jarystyń alǵashqy kúninen-aq bir-birimen ıyqtasyp, ortaq kúshpen qarsylastaryna laıyqty tura bildi. Bir otbasyndaı jumyla kelgenimizdi basqa komandalar da baıqap, ony atap ótti de”, – deıdi E.Talasbaev.
Degenmen, onyń aıtýynsha, spartakıada ázirge kóp elder komandalaryn 100 paıyzǵa qamtı almaı otyr. Belgisiz sebeptermen Baltyq jaǵalaýyndaǵy úsh memleketten komandalar kelmeı qaldy. Biraq, ol úsh el de basynda spartakıadaǵa qatysatyndyqtary jaıynda ýáde bergenmen, sońǵy kezeńde komandasyn ákelmedi. Orta Azııadan da kútken komandalar qatyspady.
– Biz, – deıdi E.Talasbaev, – spartakıadanyń aýqymy men sheńberin ulǵaıtý úshin TMD elderiniń sport komıtetimen birge sporttyń ár túrinen ár kezeńde ótkizý jóninde usynys jasadyq. Búgingideı klassıkalyq túrde emes, bir jarys aýanynda birneshe sport túriniń ámbebap bazasyn daıyndaý ońaı sharýa emes. Jaraıdy, Reseı Federasııasynda áskerı dene shynyqtyrý ınstıtýtynda bul baza bar. Sondyqtan komıtet otyrysynda spartakıadany kezeńdik chempıonatqa bólý jóninde usynys aıttym. Máselen, bir chempıonatty Qazaqstan, ózgesin basqa memleketter alsyn. Osylaısha, bizder sporttyń bir túrinen meılinshe qatysýshylardy qamtymaqpyz. Ekinshi jaǵdaı, ár memleket spartakıadaǵa sporttyń barlyq túrinen sportshylar daıyndaı almaýy múmkin. Bir jerde ol sport túri jaqsy damyǵan, al basqalarynda baıaý. Sondyqtan bir-eki sport túrinen TMD elderi óz sportshylaryn báıgege qosa alady. Al spartakıadanyń basty urany – “Sport dostyqqa bastaıtyn jol”. Oryn alý, medalǵa ıe bolý – ol keıingi maqsattarymyz.
Gúlzeınep SÁDIRQYZY, Almaty.
Sank-Peterbýrgte shildeniń 24-i men tamyzdyń 1-i aralyǵynda TMD memleketteriniń dostastyq áskerleriniń dástúrli saıysy bıyl Jeńistiń 65 jyldyǵyna arnaldy. Qazaqstan tarapynan 38 sportshy qatysqan dodaǵa jalpy sporttyń 6 túri qamtylsa, bizdiń qurama solardyń beseýine, ıaǵnı erkin kúres, kópsaıys, sýǵa júzý, nysana kózdeý jáne gir tasyn kóterýden baq synasty.
– Bizdiń áskerıler óte jaqsy nátıjege qol jetkizdi, – deıdi Qorǵanys mınıstrliginiń ÁOSK sport komıtetiniń bastyǵy, polkovnık Erlan Talasbaev. – Jigitterimizdiń Reseı, Ýkraına sııaqty áleýeti óte kúshti komandalar arasynda ekinshi orynǵa shyǵýyn úlken jeńis dep baǵalaımyz. Ásirese, bizdiń qorjynymyzǵa qomaqty júlde salǵan sýǵa júzýshilerdiń tabysyn atap ótkim keledi. Olar jalpy sany 7 altyn, 2 kúmis, 3 qola medal jeńip, komandalyq esepte top jardy. Máselen, kishi serjant S.Kýzmın – 4, aǵa serjant S.Osınskıı – 3 altyn medaldan alqa taqty.
Baıraqty básekeniń qorytyndysy boıynsha Qazaqstan quramasy 11 altyn, 9 kúmis, 5 qola júldeni oljalap, jalpy esepte Reseıden keıin 2-shi orynǵa shyqty. Al Ýkraına 3-shi, Belarýs – 4-shi, Armenııa 5-shi bolsa, Tájikstanǵa sońǵy oryn buıyrypty.
Sport ta Qazaqstannyń halyqaralyq bedel-abyroıyna qyzmet jasaıtyn sharanyń biri. Osy oraıda qazaqstandyq áskerı sportshylardyń tabysy jóninde Qorǵanys mınıstrliginiń ÁOSK sport komıtetiniń bastyǵy, polkovnık Erlan Talasbaevpen áńgimeleskenimizde ol bizge bylaı dedi:
– Jalpy alǵanda bizdiń qarsylastarymyz da ońaı komandalar emes. Máselen, kúresten armıandar, nysana kózdeýden Reseı jaqsy komanda daıyndaǵan. Árıne, óz elińde, óz alańyńda olardyń áleýeti men múmkindikteri moldaý boldy. Sýǵa júzýden de reseılikter men ýkraındyqtar myqty komanda jasaqtaǵanyn aıta ketýimiz kerek.
Sonymen birge onyń aıtýynsha, mundaı jaqsy kórsetkishterdi baǵyndyrýymyz Qorǵanys mınıstrliginiń áskerı sportty damytýǵa degen baısaldy qoldaý kórsetýiniń nátıjesi. Sondaı-aq, Qorǵanys mınıstriniń sarbazdarǵa qashanda kóńil bólip, osyndaı dodaly jarystarǵa daıyndalýǵa jetkilikti jaǵdaıda qarjylaı kómestesýinde. Eger mundaı halyqaralyq saıystarǵa qatysýymyzǵa basshylyqtyń kózqarasy ońdy bolmaǵanda, joǵarydaǵydaı asý alynbaǵan bolar edi.
Jalpy, komandalyq esepte ekinshi oryn ıelenýimizdi ol sportshylardy tańdaýda úlken jumys júrgizilýimen, ekinshiden, mınıstrliktiń qoldaý kórsetýimen bir jarym aı boıy óz bazamyzda óte joǵary deńgeıde jattyqtyrý sıkli ótkizilgenimen, al úshinshiden, jigitterdiń komandalyq rýhymen baılanystyrýda. “Bizde bóten sportshy bolmady. Bári áskerı qyzmetkerler, birin biri jaqsy biledi. Jarystyń alǵashqy kúninen-aq bir-birimen ıyqtasyp, ortaq kúshpen qarsylastaryna laıyqty tura bildi. Bir otbasyndaı jumyla kelgenimizdi basqa komandalar da baıqap, ony atap ótti de”, – deıdi E.Talasbaev.
Degenmen, onyń aıtýynsha, spartakıada ázirge kóp elder komandalaryn 100 paıyzǵa qamtı almaı otyr. Belgisiz sebeptermen Baltyq jaǵalaýyndaǵy úsh memleketten komandalar kelmeı qaldy. Biraq, ol úsh el de basynda spartakıadaǵa qatysatyndyqtary jaıynda ýáde bergenmen, sońǵy kezeńde komandasyn ákelmedi. Orta Azııadan da kútken komandalar qatyspady.
– Biz, – deıdi E.Talasbaev, – spartakıadanyń aýqymy men sheńberin ulǵaıtý úshin TMD elderiniń sport komıtetimen birge sporttyń ár túrinen ár kezeńde ótkizý jóninde usynys jasadyq. Búgingideı klassıkalyq túrde emes, bir jarys aýanynda birneshe sport túriniń ámbebap bazasyn daıyndaý ońaı sharýa emes. Jaraıdy, Reseı Federasııasynda áskerı dene shynyqtyrý ınstıtýtynda bul baza bar. Sondyqtan komıtet otyrysynda spartakıadany kezeńdik chempıonatqa bólý jóninde usynys aıttym. Máselen, bir chempıonatty Qazaqstan, ózgesin basqa memleketter alsyn. Osylaısha, bizder sporttyń bir túrinen meılinshe qatysýshylardy qamtymaqpyz. Ekinshi jaǵdaı, ár memleket spartakıadaǵa sporttyń barlyq túrinen sportshylar daıyndaı almaýy múmkin. Bir jerde ol sport túri jaqsy damyǵan, al basqalarynda baıaý. Sondyqtan bir-eki sport túrinen TMD elderi óz sportshylaryn báıgege qosa alady. Al spartakıadanyń basty urany – “Sport dostyqqa bastaıtyn jol”. Oryn alý, medalǵa ıe bolý – ol keıingi maqsattarymyz.
Gúlzeınep SÁDIRQYZY, Almaty.
