Uıaly baılanys jelisiniń baǵasy tómendeýi múmkin

Jón surasýdyń jedel júıesi Burnaǵy kúni Astanadaǵy “RIXOS” qonaqúıiniń “Jeruıyq” zalynda Básekelestikti qorǵaý agenttiginiń bastamashy bolýymen “Interkonnekt tarıfterin retteý” degen taqyryp boıynsha semınar ótkizildi. Onyń sheńberinde sondaı-aq buqaralyq aqparat qural­dary­nyń ókilderi úshin baspasóz jıyny uıymdastyryldy. Qazirgi tańda uıaly baılanys elimizdiń telekommýnıkasııa ryno­gynda barynsha qarqyndy damyp kele jatqan segmentterdiń biri bo­lyp qalyp otyr. Onyń úlesine baı­lanys qyzmetiniń barlyq túr­le­rinen túsetin tabystar qury­ly­my­nyń 45,9 paıyzy tıedi eken. Sa­lystyrý úshin mundaǵy ınternet-qoljetimdilik qyzmetiniń alar sha­ma­sy – 5,2, radıo men teledıdar­dyń shegi – 3,4, al poshta qyz­me­ti­niń deńgeıi 1,8 paıyz ekenin aıt­saq, kóp jáıt ózinen ózi aıǵaqtala túser edi. Biraq, taıaqtyń eki ushy bolatyny sııaqty, baılanystyń bul túriniń salaǵa osynshama mol tabys ákelip turǵanynyń tutyný­shy­lar úshin tıimsiz tıetin kelesi ke­neresi de bar. Ol – bizdegi jeli­ara­lyq baılanys belgilep otyrǵan mólsherlemeniń qymbat bolyp otyrǵanynda. Uıaly baılanys qyz­metiniń telekommýnıkasııa júıe­si­ne aqshany naýalap quıyp turýy­nyń endigi bir erekshe sebebi osy qymbatshylyqta jatyr. Obaly ne kerek, sońǵy ýaqyt­ta­ry bul taqyryp jóninde udaıy másele kóterilip keledi. Máselen, bıylǵy kóktemde Aqparattandyrý jáne baılanys memlekettik agent­tiginiń basshysy Qýanyshbek Ese­keev Qazaqstanda aldaǵy jyldan bastap uıaly baılanys qyzmetiniń baǵasy tómendeı bastaıtynyn má­limdegen bolatyn. Al Baılanys jáne aqparat mınıstrligi shilde aıynda respýblıkadaǵy uıaly baı­lanys qyzmeti tarıfteriniń qan­sha­lyqty deńgeıde negizdi ekenin tek­serýge kiristi. Biraq, qaısybir el­der­degi sekildi, baılanystyń bul túriniń baǵasyn onyń operator­la­ry óz erikterinshe belgilep otyra­dy. Bizdiń elimizde ondaı operator­dyń tórteýi tirkelip, jumys ja­saý­da. Solardyń arasyndaǵy “GSM Qa­zaqstan” JShS búginderi 7 mln. abo­nentke qyzmet jasaıdy. Odan abo­nentter sany 250 myńdaı ǵana kem “KaR-Tel” kompanııasy da biz­diń rynokta qadamyn nyq basyp tur. Endi bularǵa qalaı baǵany tómen­det­tirýge bolady? Álde bıyl ǵana osy ry­nokqa kelip qosylǵan jańa “oı­yn­shy” — shvedtiń Tele2 dıs­kaýnteri “tarıfterdiń sharpy­sýyn” týǵyzyp, onyń tómendeýine sebepker bola ala ma? Semınarǵa qatysýshylardy osy máselelerdiń bári tolǵandyrdy. Semınardyń sońynda Báseke­les­tikti qorǵaý agenttigi tóraǵa­sy­nyń orynbasary Rústem Aqberdın buqa­ra­lyq aqparat quraldarynyń ókil­derimen kezdesip, jıynda qol jetken sheshimdi jetkizdi. Onyń aı­týynsha, elimizdegi baılanys opera­torlary tamyzdyń 20-sy kúni jeli­aralyq baılanystyń mólsherleme­lerin tó­mendetý boıynsha usynys jasaıtyn kórinedi. “Tamyzdyń 20-synda olar je­liaralyq baılanys mól­sherleme­lerin óz erikterimen tómendetý boı­ynsha usynystaryn engizýleri tıis. Sol kezde biz olar­dyń qanshalyqty daıyn eken­dik­te­rin baıqaımyz”, – degen ol bul jerdegi salmaqtyń “Kar-Tel” jáne “Qazaqtelekom” AQ-qa túsip otyr­ǵanyn da jasyrmady. Osy oraıda agenttik baılanys operator­lary­nyń bul tarıfti barynsha túsirýin kútip otyrǵanyn jetkizdi. Básekelestikti qorǵaý agentti­gi­niń málimetine qaraǵanda, qazir je­li­aralyq baılanystyń quny mı­nótine 19,98 teńgeni qurap otyr. “Qazaq­standa abonentterge ar­nalǵan uıaly baılanys qyzmetine tarıfter  tym joǵary”, – dep atap ótti R.Aqberdın. Osy oraıda ol tarıfterdiń qymbat bolýynyń bir sebebi retinde uıaly baılanys salasyndaǵy bólek operatorlardyń jeliaralyq baılanys úshin mól­sher­lemeleri joǵary bolyp otyrǵa­nyn atap ótti. Taǵy belgili bol­ǵany, eger baılanys operatorlary tıisti sheshimge kelmese, onda mono­polııaǵa qarsy vedomstvo bul mól­sherlemelerge memlekettik retteý engizýge nıetti syńaıly. Sonymen, jón surasýdyń jedel júıesi bolyp otyrǵan jeli baǵa­sy­nyń shamadan tys qymbat ekenine prınsıpti túrde tujyrymdy baǵa berildi. Bul tóńirekte oılaný úshin baılanys operatorlaryna usynyl­ǵan ýaqyt ta tym kóp emes. En­de­she, osy ozyq oıdan nendeı túıin shyǵatynyn biletin kún de jaqyn. Serik PIRNAZAR.