El múddesi sapaly jumysty qajet etedi

Keshe Astana qalasyndaǵy Ulttyq akademııalyq kitaphanada Qazaqstan Respýblıkasy Prezıdenti Ákimshiligi Basshysynyń oryn­ba­sary Máýlen Áshimbaev Prezıdent Joldaýyndaǵy Qazaqstannyń 2020 jyl­ǵa deıingi damý strategııasyn túsindirý boıynsha memlekettik áleý­mettik tapsyrysty júzege asyratyn jetekshi úkimettik emes uıymdardyń basshylarymen kezdesti. Onda  Elbasynyń “Jańa onjyldyq – jańa eko­nomıkalyq órleý – Qazaqstannyń jańa múmkindikteri” Joldaýyn júzege asyrýda memlekettik organdar men úkimettik emes uıymdardyń (ÚEU) birlese jumys isteýi barysy talqylandy. Is-sharanyń ótýine Mádenıet mınıstrligi muryndyq boldy. Kezdesýge Prezıdent Ákimshiligi Ishki saıasat bóliminiń meńgerýshisi Darhan Myńbaı, Ekonomıkalyq damý jáne saýda mınıstrliginiń jaýapty hatshysy Dına Shájenova qatysty. Kezdesýge Mádenıet mınıstrliginiń jaýapty hatshysy Janna Qurmanǵalıeva moderator­lyq etti. Prezıdent óz Joldaýynda ÚEU-nyń áleýetin  arttyrý qa­jet­tigin tapsyrǵan bolatyn. Osyǵan baılanysty  Mádenıet mınıstrligi  áleýmettik mańyzdy jobalardy júzege asyrý úshin 500 mıllıon teńge qarastyrǵan. Konkýrs qory­tyn­dysy boıynsha jobalardy jú­zege asyrýǵa 50 respýblıkalyq úki­mettik emes uıym tartylǵan. Olar­dyń arasynda Qazaqstannyń Aza­mat­tyq alıansy, “Atameken” oda­ǵy” ulttyq ekonomıkalyq palata­sy, Qazaqstan Jazýshylar odaǵy, Qa­zaq­stan Jastarynyń kongresi, Res­pýblıkalyq Áıelder keńesi, Bas re­daktorlar klýby jáne Áleýmet­tik-saıası zertteý ınstıtýty da bar. Kezdesýde Prezıdent Ákimshiligi Basshysynyń orynbasary M.Áshim­­baev sóz alyp, aldaǵy min­detterge jan-jaqty toqtaldy. Máý­len Saǵathanulynyń atap ótýinshe,  jyldyń sońyna deıin 2 myńǵa jýyq is-sharalar ótkiziledi. Bul is-sharalar 500 myń adamdy qamtıdy dep kútilýde. Ártúrli taqyrypta kon­ferensııalar, dóńgelek ústelder men semınarlar ótkizilip, olar boıynsha maqalalar jazylady. So­nyń negizinde Joldaýǵa qatysty naq­ty usynystar, ádistemelik usy­nymdar ázirlenip, memlekettik or­gandar qandaı  problemalarǵa nazar aýdarýy tıistigi aıqyndalady. Osy rette Máýlen Áshimbaev bes aspektini atap berdi. Birinshi ke­zek­te úkimettik emes uıymdardan shy­ǵarmashylyqty ádister, qazirgi za­manǵy qyzǵylyqty tásilder kú­ti­ledi. Alaıda, is-sharalardy ótkizý barysynda sapa basty nazarda bo­lýy tıis. Ekinshiden, osynshalyqty qomaqty qarjy bólinip jatqanyna oraı “ne úshin?” degen suraq týyn­daýy múmkin. Osyǵan baılanysty Prezıdent Ákimshiligi Basshysynyń orynbasa­ry munyń barlyǵy ekonomıkadaǵy ambısııaly maqsattarǵa jáne el tur­ǵyndarynyń turmys deńgeıin kóterý jónindegi  jalpymemlekettik mindetterge azamattardy tartyp, qoǵamdy jumyldyrý qajettigimen túsindirdi. Elimizde 18 myńǵa tarta úkimettik emes uıymdar bolsa, olarda 200 myńǵa taıaý adam jumys isteıdi eken. Sondyqtan osy baǵyt­taǵy memlekettik saıasatty nasıhat­taýda ózge de ÚEU-dy tartý qajettigi aıtyldy. Turǵyndarmen keri baılanys arnasyn ornatý úshinshi aspekt retinde kóldeneń tartyldy. Munda ártúrli pikirsaıys alańda­ryn­da memlekettik saıasattyń álsiz tustary anyqtalýy tıis. Azamattyq kelisim men turaqtylyqty nyǵaıtý máselesi tórtinshi aspekti retinde qarastyryldy. Máýlen Áshimbaev Qyrǵyzstan mysalyndaǵy ultara­lyq qaqtyǵys, aımaqtyq jáne saıa­sı qaıshylyqtardyń nege uryndy­raryn keltire otyryp, úkimettik emes uıymdardy toleranttylyq, kelisim, beıbitshilik pen ózara tú­sinistikti qalyptastyra alatynyna erekshe toqtalyp ótti. Memleket bas­shysy naq osy máselege únemi kóńil aýdartyp keledi. “Turaqtylyq – bul el azamattarynyń turmys jaǵdaıyn qamtamasyz etýdegi basty faktor, bizdiń damýymyzdyń basty sharty”, dedi sózinde Máýlen Saǵat­han­uly. Sońǵy aspekti retinde Máý­len Áshimbaev memlekettik organdar men úshinshi sektor arasyndaǵy óz­ara qarym-qatynas ornatýdyń jańa úlgisin jasaýǵa toqtaldy. Tarqatyp aıtqanda, Joldaý sheń­berinde osyndaı qarym-qatynastyń kishigi­rim  úlgisin qurýǵa da bolady. Kezdesý barysynda birqatar ÚEU basshylary da sóz alyp, óz oı­la­ryn ortaǵa saldy. J.Qurman­ǵa­lıeva Mádenıet mınıstrliginiń ÚEU-men ózara is-áreket jasaýdaǵy tájirıbesi týraly aıtyp berdi. Sonymen qatar, kezdesýde joba­larǵa monıtorıng júrgizý men eseptilik máselesi, ashyqtyq pen qoljetimdilikti qamtamasyz etý jaıy sóz boldy. Sondaı-aq bılik pen ÚEU birikken is-qımylynyń naqty tetikteri  de jan-jaqty tujy­rymdaldy. Asqar TURAPBAIULY.