Keshe...

...“MEKTEPKE JOL” AKSIIаSY О́TTI Balanyń baqytty kúlkisi kóbine áke men ana meıirimi men olarǵa jasalǵan qamqorlyqpen ólshenedi. Demek, osy baǵytta qolǵa alynǵan “Mektepke jol” aksııasy aýqymynda Taldyqor­ǵan qalalyq bilim bólimi ma­ńyz­dy sharalardy qolǵa alyp, jos­parǵa saı oqýshylarǵa qaıyrym­dylyq kómek kórsetý, olardy jappaı oqýǵa qamtý baǵytynda reıdter uıymdastyryp, semı­narlar ótkizip keledi. Kúni keshe osy baǵytta bas qosqan arnaıy komıssııa jetim, jartylaı jetim, áleýmettik ja­ǵy­nan az qamtylǵan otbasy ba­la­larynyń qajettiligin sheshý maqsatyndaǵy jumystardy or­ta­ǵa salyp, ujymdar men jeke de­meýshilerden jınalǵan zattardy bóldi. Oqý quraldary, mektep for­masyna ıe bolǵandar shyn qýandy. Bıyl shahardaǵy 375 bala­nyń kómekke zárý ekendigi anyq­talsa, olardy qaltaly azamattar men kásipkerler óz qamqor­lyq­tary­na alǵan. Osylaısha, urpaq bolasha­ǵyna jol ashqan aksııa odan ári jalǵasyp, balalardyń mereıin ósirip, erteńgi kúnge de­gen berik senimin qalyptastyrýda. Kúmisjan BAIJAN. Almaty oblysy. ...ÚShINShI AÝYSYM BASTALDY Býrabaıdaǵy “Prıozernyı” demalys jáne saýyqtyrý orta­ly­ǵynda jastardyń ınno­va­sııa­lyq-tanymdyq lageriniń úshin­shi aýysymy jumysyn bas­ta­dy. “Nur Otan” HDP “Jas Otan” jastar qanaty men Bilim jáne ǵylym mınıstrligi uıym­das­tyrǵan sharanyń ashylý sal­ta­natynda Prezıdent Ákimshili­gi­niń jáne Aqmola oblysy ákimdiginiń ókilderi, “Nur Otan” HDP hatshysy Q.Satybaldy, “Jas Otannyń” atqarýshy hat­shy­sy N.О́teshev quttyqtaý sóz sóıledi. Lager bıylǵy jaz aılaryn­da 400-ge jýyq jasty qabyldap, kóptegen tanymdyq sharalar ót­kizdi. Al, “Otanshyl” dep atala­tyn úshinshi aýysymnyń qaty­sý­shylary arasynda “Jas Otan” jastar qanatynyń barlyq deń­geıdegi atqarýshy hatshylary­nyń bolýy, el jastarynyń al­dynda turǵan mindetterdi tereń saralaýǵa múmkindik beredi. Munda Baılanys jáne aqparat, Aýyl sharýashylyǵy mınıstr­lik­teriniń, Memlekettik basqarý akademııasynyń, Elbasynyń ha­lyqaralyq “Bolashaq” stıpen­dıat­tarynyń, bıznes ókilderiniń pikir almasý alańdary, semınar-trenıngter ótkiziledi. Baqbergen AMALBEK. Aqmola oblysy. ...QAMQORLYQSYZ QALǴANDARǴA QAIYRYMDYLYQ JASALDY Turmysy tómen otbasyndaǵy jáne ata-anasynyń qamqorly­ǵyn­syz qalǵan balalarǵa oqý quraldary men qajetti kıim-ke­shekter úlestirýdiń respýblıka­lyq aksııasyna qarmaqshylyq­tar da keńinen qatysýda. Josaly kentiniń ortalyq alańynda uıym­das­ty­rylǵan qaıyrymdylyq aksııa­syn­da 100-ge jýyq balaǵa qo­maqty tartý-taralǵylar jasaldy. Sondaı-aq, osy sharada “Qyzyl Aı” qoǵamynyń oblystyq bó­lim­shesi tarapynan 13 oqýshyǵa 550 myń teńge kóleminde qar­jylyq kómek kórsetildi. Ata-anasynan aıyrylǵan qos búldirshindi baýyryna basqan aq jaýlyqty áje S.Júnisbaeva aýdan ákimdigi men sala bas­shylaryna, jekelegen kásipker­lerge rızashylyǵyn bildirip, analyq aq batasyn berdi. Erkin ÁBIL. Qyzylorda oblysy, Qarmaqshy aýdany.