Kúrejolda kúrmeý bolmaıdy

Elimizdiń aımaǵynda “Batys Eýropa – Batys Qytaı” kúrejoly barynsha qar­qyndy júrgizilýde. Oǵan oblystyq ákim­dikte osy avtokólik joly qurylysyna baılanysty ótkizilgen respýblıkalyq shtabta órbigen áńgime barysynda kóz jet­kizdik. Shtab otyrysyna Kólik jáne kommýnıkasııa vıse-mınıstri Dýlat Kóterbekov jáne jergilikti bılik bas­shylary men jaýapty mekeme, merdiger shet­eldik kompanııalar basshylary qaty­syp, osy alyp qurylys aıasynda atqa­ryl­ǵan aýqymdy sharalar men alda turǵan mindetterdi jan-jaqty aıshyqtady. Respýblıkalyq shtabtyń oty­rysyn ashqan oblys ákiminiń min­detin atqarýshy Rzaqul Nur­taev eki qurlyq arasyn jal­ǵaı­tyn kúrejol qurylysynyń Syr aımaǵynda serpindi de sapaly júrgizilip jatqanyn tilge tıek etse, respýblıkalyq avtokólik joldary komıteti oblystyq de­par­tamentiniń dırektory minde­tin atqarýshy Shanjarhan Myr­za­baı halyqaralyq dáliz qury­ly­sy boıynsha búgingi kúnge deıin atqarylǵan aýqymdy ju­mys­tardan habardar etti. Osyǵan baılanysty saralap aıtar bolsaq, Syr aımaǵynan óte­tin 817 shaqyrymdy halyq­ara­lyq tranzıt dáliziniń búgingi kúnge 242 shaqyrymy birinshi tehnıkalyq, 575 shaqyrymy ekin­shi tehnıkalyq deńgeıge jet­kizilgen. Sondaı-aq, oblys kóle­minde 336 shaqyrym joǵary qu­nar­ly jer tósemi alynyp, jal­py uzyndyǵy 107 shaqyrym aı­nalma joldar salynǵan. Qazirgi kúnge deıin 4229 myń tekshe metr jer tósemi tóselgen. Sondaı-aq, kúrejol boıyna 32 sý ótkizetin qubyrlar ornalastyrylǵan. Eger jol-qurylys materıaldaryn daıyndaý derekterine júginer bolsaq, 810 myń tonna qum-qıyr­shyq tas qospasy men 691 myń tonna qıyrshyq tas daıyn­dalyp, kúrejol boıyna tóselýde. Osy bir alyp qurylysqa 1738 dana tehnıka jumyldyrylyp, 15171 adam eńsere eńbek etýde. Aıta ketý kerek, osynshama adam­nyń jartysynan astamy jergilikti turǵyndar bolyp tabylady. Sóz oraıy kelgende aıta ke­teıik, “Batys Eýropa – Batys Qytaı” kúrejoly qurylysynyń júrgizilýi Syr aımaǵynyń aı­shyq­tanýyna da súbeli úles qosý­da. Jol qurylysy qalaı bastaý aldy, solaı Syr elinde jańa ón­diris oryndary tusaýlaryn kesip, júzdegen adam jumysqa tar­ty­la bastady. Iаǵnı, aýylsha­rýa­shylyqty aımaq óndiristi aımaq­qa aınala bastaǵany kóp kóńiline qýanysh uıalatýda. Atap aıtar bolsaq, “Shalqııa” ken ornyn­da­ǵy qıyrshyq tas shyǵaratyn zaý­yt pen “ÝAD” JShS-niń bıtým zaýyty tolyqtaı iske qosylyp, tolymdy jumystar atqarýda. Búginge deıin josparlanǵan 20 asfalt-beton zaýytynyń 8-i júıeli jumys jasaýda. Shtab otyrysynda oblys kó­leminde jumys júrgizip jatqan “Salını” “Akkord - Okan”, “Im­preza” jáne “Todını” shet­eldik kompanııalarynyń basshy­lary Arnaldo Dı Verdjılo, Iаvýz Ýısal, Mastrogınkýe Mı­ke­lanjelo, Almano Fabıo sóz alyp, ózderiniń atqaryp jatqan jumystary jaıly baıan etti. Dese de, osynaý sheteldik kom­pa­nııalar jumysynda kúrmeýi qıyn máseleler joq emes kórinedi. Atap aıtqanda, sheteldik merdi­ger­lerdiń keıbiri ózderine tap­syrylǵan aýmaqtaǵy jumystar­dy merziminen keshiktirip, qol­baı­laý jasap jatqan syńaıly. Sondaı-aq, keıbir kompanııa­lar jergilikti jumysshylarǵa áleý­met­tik- turmystyq jaǵdaı jasaýda da kemshilikter jiberýde. Osynaý keleńsizdikter jaıly Kólik jáne kommýnıkasııa vıse-mınıstri Dýlat Kóterbekov atal­ǵan, ıaǵnı “Akkord – Okan”, “Impreza”, jáne “Todını” kom­pa­nııasy basshylaryna syn-es­kert­pelerin qadap aıtty. О́ki­nish­tisi sol, vıse-mınıstrdiń salı­qaly saýaldaryna sheteldik­terden tushymdy jaýap bolmady. Sodan da vıse-mınıstr kúrejol qury­lysy quzyrly organdar tarapy­nan árdaıym basty baqy­laýda bolatynyn basa aıtty. Iаǵnı, kúrejol quryly­synda kúrmeýi qıyn máseleler bolmaýy kerek. Erkin ÁBIL. Qyzylorda.