Kósheler Otandastar, Caryarqa, Atajurt dep atalady

Oblys ortalyǵynyń irgesinde ornalasqan bul aýyldy oryssha Pavlodarskoe, al jergilikti jurt qa­zaq­sha Sháýken dep atap ketken. Qala aýmaǵyna qaraıtyn aýylda negizinen túrli ult ókilderi bas qosqan 6 myńdaı halyq turady. Sondyqtan da bolar, Mońǵolııa, Reseı jaǵynan elge qonys aý­daryp kelgen bala-shaǵasy kóp oralman aǵaıyn­darymyz olardy oqytyp-jetkizý úshin eki qolǵa bir ju­mystyń jyldam tabyla qoıatynyna oraı qala aýmaǵyndaǵy aýyldarǵa ornyǵýda. Bul aýyl­da qazir 130-daı oralman aǵaıyndar turyp jatyr. Kádimgideı jer alyp, óz baspana­laryn ózderi turǵyzyp aldy. Aına­la baý-baqsha, kókónis egip, mal baǵý­ǵa qolaıly-aq jer. Úılerin tur­ǵyzyp, qora-qopsylaryn jaı­la­ǵansha biraz qıyndyqtar boldy. Elektr baǵandaryn ornatqan­sha birneshe jyl jaryqsyz, qubyr­lar tartylǵan­sha aýyz sýsyz otyryp qaldy. Elde bolsa eringe tıedi dep, alda­ǵy ómirlerine úmitpen qarady. Tipti, aýyl­dyń oryssha atyna tilderi kele qoı­maǵan soń, Álhan Amantaı, Bolat Zaýyt sııaqty oralmandar jaǵdaıyna bas-kóz bolyp júrgen jigitter arqyly qala ákimdigine ótinishterin ja­zyp, ózderi turatyn kóshelerge Sháýken, Otandastar, Sary­arqa, Ata­jurt degen ataýlardyń berilýin surady. Qala ákimdigi olardyń usynys­taryn maquldap, oń sheshim de shyǵaryp berdi. Sóıtip, aýylǵa ótken jyly “Jol kartasy” baǵdarlamasy keldi. Aýyl ákiminiń orynbasary Daıyr Mus­tafın­nyń aıtýynsha, joǵary­da aı­tyl­ǵan aýylǵa qajetti áleý­mettik jaǵ­daılar osy baǵdarla­ma­lar arqy­ly júzege asýda. Byl­tyr bólingen 54 mıllıon teńgege bala­baqsha kúrdeli jóndeýden ót­kizil­gen. Aýylishilik jol­darǵa asfalt tóselipti. Al bıyl jańa ataýlar alǵan kóshelerge elektr jelileri tartylyp, jaryq berýdi retteıtin arnaıy 14 transfor­mator or­na­­ty­­lypty. “Jol kartasy” baǵ­darlama­sy boıyn­sha sháýkendikterge bıyl taǵy da 8 mıl­lıon teńge qara­jat bólinipti. Aýyldyń shetin­degi jańa úı­lerge de jaryq keletin bol­dy. Endi bala-shaǵasy mektepke, bala­­baqshaǵa baratyn, osy ýaqytqa de­ıin syǵyraıǵan sham­men kúnin kórip kelgen oralman otbasylary úshin bul úlken qýanysh bolary anyq. Bul kún­deri “Manas” JShS aýyl­dyń úı­lerin sý qubyrlary jelisine qosyp, turǵyndardy aýyz sýmen qam­tı­tyn qudyqtar men sý shyǵa­tyn munara­lardyń úzdiksiz jumys jasaýyn qolǵa alýda. Avtobýs aıal­da­malary da jón­delip, kósheler boıynda gúlzar­lar paıda boldy. Bıyl aýyl ishine 240 túp aǵash otyr­ǵyzylypty. Byl­tyr jańa mektep paıda­lanýǵa berildi. Elge oralǵan aǵaıyn­dar úshin, olardyń bala-shaǵasynyń bo­la­shaǵy úshin, mine, osyndaı jaq­sy ister ja­salýda. Aǵaıyndar óz­deriniń tynys-tirshi­liginiń jaq­sarýy­­­na nazar aýdarǵan qala ákimi Baqyt­jan Jolamanovqa, aýyl ákimi Irına Fogelge alǵystaryn aıtýda. Aýyl shetinde jurtyn ımandylyqqa shaqyryp, kók kúmbezi jarqyrap Qasym qajynyń meshiti tur. Farıda BYQAI, Pavlodar.