Túrikterdiń 30-shy halyqaralyq “Nurorda” mektebi О́skemende ashyldy

Bilimi men ǵylymy damyǵan eldiń mártebesi men abyroıy asqaqtaı beretini belgili. Bıyl ór Altaıdyń órinde bilim oshaqtary birinen keıin biri ashylyp jatyr. Shyraıly Shy­ǵysta qazirgi kúni 20 mekteptiń qury­lysy qyzý júrip jatyr, onyń ony kúzge deıin paıdalanýǵa berilmek. Birinshi qyrkúıek – Bilim kúni Shyǵys Qazaqstan oblysynyń ákimi Berdibek Saparbaev “Nur­orda” halyqaralyq mektebin salta­natty jaǵdaıda ashty. Budan 19 jyl buryn “KATEV” halyqaralyq qoǵamdyq qory Qa­zaq­standa alǵashqy bilim ordasyn ash­qan bolatyn. Elimizdiń táýelsiz­­digin birinshi bolyp tanyǵan túrik qan­dastar osymen 30-shy bilim or­dasyn iske qosyp otyr. Onyń qury­lysyna 694,5 mıllıon teńge qar­jy saldy. Munda oqýshylar tórt tilde bilim alady, barlyq jaǵdaı jasa­lyn­ǵan. Biz mektep dırektory Sha­ban Josh­kún myr­zaǵa alǵys aıta­myz, shákirt­terdiń tereń bilim alýy­na sáttilik tileı­miz, dedi óńir basshysy. Úsh qabatty mektep ishi aınadaı jarqyraıdy, kabınetter men dáris alatyn oryndar jıhazdarmen jab­dyq­talǵan. Ata-analar oblys bas­shy­­symen birge mektepti aralady. Sol kúni oblys ákimi B.Sapar­baev qaladaǵy №1 qazaq orta mek­tebi men Shyǵys Qazaqstan gýma­nıtarlyq kolledjiniń alǵash­qy qońyraýyna qatysty, ustaz, shákirttermen áńgimelesti. Ońdasyn Elýbaı.