BAQ ókilderine arnalǵan sheberlik synyby

Jýyrda “Nur Otan” HDP Partııalyq baqylaý komıteti men Qazaqstannyń “Bas redaktorlar klýby” birigip, BAQ basshylary men jýrnalısterine arnalǵan sheberlik-synyp uıymdastyrdy. Oǵan mass-medıa salasyndaǵy shetel sarapshylary, Qazaqstandaǵy Lıtva elshiliginiń ókili Antanas Petraýskas, sonymen qatar, “Bas redaktorlar klýbynyń” basshylyǵy qatysty. “Nur Otan” HDP “Bas re­dak­tor­lar klýby” qoǵamdyq birles­ti­gi­men yntymaqtastyq týraly me­morandým aıasynda ótken sheber-synyptyń maqsaty – BAQ-tarda týyndaıtyn máselelerdiń aldyn alyp, sheteldik BAQ ókilderimen tájirıbe almasý. Qoǵamdyq sa­na­nyń qalyptasýynda BAQ-tardyń erekshe rólin eskere otyryp, aqpa­rat taratýdaǵy ustanymdar men ózin­dik qaǵıdalaryna jiti toqtalǵan bul kezdesýdiń mańyzy zor boldy. Sheberlik-synypty Lıtva Jýr­nalıster odaǵynyń tóraǵasy, Ke­ńes­tik Lıtva radıosy jáne tele­vı­zııa, Ulttyq shyǵarmashyl jýrna­lıs­ter qaýymdastyǵynyń tóraǵasy Daınıýs Radzıaıchýs ótkizdi. Aıta keteıik, Lıtvadaǵy aqparat erkin­digi men BAQ damýy qarqyny erek­she. Basty sebep – onda memleket­tik buqaralyq aqparat quraldary­nyń joqtyǵy. Kezdesý barysynda Lıtvadaǵy aqparat taratýdyń jol­da­ry, oǵan kedergi bolatyn sebep­ter men aldyn alý sharalary keńinen sóz boldy. Sheber-synypqa qatysýshylar memlekettik organdar men BAQ-tyń ózara is-áreket etý tetikteri týraly tájirıbe almasty. Uzaq ýaqyt boıy Lıtva Ádilet mınıstr­ligi qoǵammen baılanys departa­menti­niń dırektory, sot depar­ta­mentiniń baspasóz hatshysy, Lıtva úkimeti keńesiniń janyndaǵy qo­ǵam­men baılanys jónindegi kon­sýl­tanty bolyp jumys istegen Daınıýs Radzıaıchýs óziniń jýrna­lıstik qyzmetindegi tájirıbesi jaıly da aıtyp ótti. BAQ ókilderiniń nazaryna qa­zirgi kezeńdegi saıası kommýnı­ka­sııalar, aqparattyq qaýipsizdik, jýrnalıstik etıka jáne basqa da taqyryptarǵa taldaý aqparattary usynyldy. Sondaı-aq, demokratııa negizderiniń biri – sóz bostan­dy­ǵyn júzege asyrýda BAQ kásibı isin arttyrýdyń tájirıbesimen qatar, tek jýrnalıstik emes, adam­gershilik qaǵıdalardyń qarapaıym etıkalary da qarastyryldy. Juldyz BAIDILDA, EUÝ sýdenti.